പാലാ: രാമപുരത്ത് വാര്യർ മെമ്മോറിയൽ പബ്ലിക് ലൈബ്രറിയുടെ നേതൃത്വത്തിൽ വിദ്യാരംഭവും ലൈബ്രറിയുടെ പ്ലാറ്റിനം ജൂബിലി ആഘോഷങ്ങളുടെ ഉദ്ഘാടനവും 5ന് നടക്കുമെന്ന് ഭാരവാഹികളായ കെ.ആർ പ്രഭാകരൻപിള്ള, നാരായാണൻ കാരനാട്ട്, കെ.എസ് മാധവൻ എന്നിവർ അറിയിച്ചു.
ഇതിന് മന്നോടിയായി വഞ്ചിപ്പാട്ട് മത്സരവുമുണ്ട്. രാവിലെ 10ന് മത്സരങ്ങൾ ആരംഭിക്കും. വൈകിട്ട് 4ന് നടക്കുന്ന സാംസ്‌കാരിക സമ്മേളനം കഥാകാരൻ സന്തോഷ് ഏച്ചിക്കാനം ഉദ്ഘാടനം ചെയ്യും. കെ.എസ് മാധവൻ അദ്ധ്യക്ഷത വഹിക്കും. കെ.ആർ പ്രഭാകരൻപിള്ള, എസ്.സാബു, എൻ.രാജേന്ദ്രൻ, നാരായണൻ കാരനാട്ട് എന്നിവർ പ്രസംഗിക്കും. പ്ലാറ്റിനം ജൂബിലി ആഘോഷങ്ങളുടെ ഉദ്ഘാടനം ഡോ. സിന്ധമോൾ ജേക്കബ് നിർവഹിക്കും. റോയി ഫ്രാൻസിസ്, ഡോ. എൻ.അജയകുമാർ. അനഘ ജെ.കോലത്ത്, കെ.എസ് രാജു, വി.എം ചിത്ര, ജി.അജയൻ എന്നിവർ പ്രസംഗിക്കും.