കല്ലറ: ശ്രീശാരദാ ക്ഷേത്രത്തിലെ നവരാത്രി ആഘോഷത്തോടനുബന്ധിച്ചു നടന്ന ഗ്രന്ഥം എഴുന്നള്ളിപ്പ് നാടിനെ ഭക്തിയിൽ ആറാടിച്ചു. ഗ്രന്ഥം എഴുന്നള്ളിപ്പ് ചടങ്ങിൽ നൂറുകണക്കിന് കുട്ടികൾ പങ്കെടുത്തു. ഗ്രന്ഥം എഴുന്നള്ളിപ്പ് വാദ്യമേളങ്ങളുടെ അകമ്പടിയോടെ കളമ്പുകാട് ഗുരുമന്ദിരത്തിൽ നിന്നും ക്ഷേത്രസന്നിധിയിലേക്ക് പുറപ്പെട്ടു. വനിതാസംഘത്തിന്റെ നേതൃത്വത്തിലുള്ള താലവും ഘോഷയാത്രയ്ക്ക് മികവേകി. കടുത്തുരുത്തി എസ് എൻ ഡി പി യൂണിയൻ സെക്രട്ടറി എൻ.കെ. രമണൻ, ശാഖ പ്രസിഡന്റ് പി.ഡി. രേണുകൻ, സെക്രട്ടറി കെ.വി. സുദർശനൻ, വൈസ് പ്രസിഡന്റ് ഡി. പ്രകാശൻ, വനിതസംഘം യൂണിയൻ പ്രസിഡന്റ് സുധ മോഹൻ, വനിതാസംഘം, നവരാത്രി ട്രെസ്റ്റ്, യൂത്ത്മൂവ്‌മെന്റ് ഭാരവാഹികൾ ചടങ്ങിന് നേതൃത്വം നൽകി. 4 ന് വൈകിട്ട് 7 ന് ഭാരത കലാരത്‌നം ഡോ. പ്രശാന്ത് വർമ്മയും സംഘവും അവതരിപ്പിക്കുന്ന ഭജൻസ് മാനസജപലഹരി. 5ന് രാവിലെ 7.45 മുതൽ തന്ത്രി പറവൂർ രാകേഷ് തന്ത്രികളുടെ മുഖ്യ കാർമ്മികത്വത്തിൽ വിദ്യാരംഭം. തുടർന്ന് ഭക്തിഗാനസുധ. വൈകിട്ട് 7ന് നടക്കുന്ന അനുസ്മരണ ചടങ്ങ് കടുത്തുരുത്തി യൂണിയൻ സെക്രട്ടറി എൻ.കെ. രമണൻ ഉദ്ഘാടനം ചെയ്യും. തുടർന്ന് കൊല്ലം ജി.എസ്. ബാലമുരളിയുടെ സംഗീതസദസ്.