കോട്ടയം : വാതിൽ ഘടിപ്പിക്കാതെയും, വേണ്ടത്ര സുരക്ഷാ മാനദണ്ഡങ്ങൾ പാലിക്കാതെയും സർവീസ് നടത്തിയ ബസുകൾക്കെതിരെ നടപടി. ജില്ലാ പൊലീസിന്റെ നേതൃത്വത്തിൽ സ്പെഷ്യൽ ഡ്രൈവിന്റെ ഭാഗമായാണ് പരിശോധന നടത്തിയത്. ജില്ലാ പൊലീസ് മേധാവി കെ.കാർത്തിക് നേതൃത്വം നൽകിയ സ്പെഷ്യൽ ഡ്രൈവിൽ 1300 ഓളം ബസുകൾ പരിശോധിച്ചു. നിയമലംഘനം നടത്തിയ 22 ബസുകൾക്കെതിരെ കേസ് രജിസ്റ്റർ ചെയ്ത് നിയമനടപടി സ്വീകരിച്ചു. 103 ഓളം പെറ്റി കേസുകൾ ചാർജ് ചെയ്തു. 27,500 ഓളം രൂപ പിഴ ചുമത്തി. വേണ്ടത്ര സുരക്ഷാ സംവിധാനങ്ങൾ ഇല്ലാതെ സർവീസ് നടത്തുന്ന ബസുകൾക്കെതിരെ തുടർന്നും നിയമനടപടി സ്വീകരിക്കുമെന്ന് ജില്ലാ പൊലീസ് മേധാവി പറഞ്ഞു.