കോട്ടയം: സംസ്ഥാന സർക്കാരിന്റെ കീഴിലുള്ള സംസ്ഥാന സഹകരണ യൂണിയന്റെ തിരുവനന്തപുരത്തെ കേരള ഇൻസ്റ്റിറ്റിയൂട്ട് ഓഫ് കോഓപ്പറേറ്റീവ് മാനേജ്‌മെന്റിന്റെ (കിക്മ) എം.ബി.എ (ഫുൾടൈം) 2022, 24 ബാച്ചിലേയ്ക്കുള്ള സ്‌പോട്ട് അഡ്മിഷൻ 14ന് നാഗമ്പടത്തുള്ള കോപ്പറേറ്റീവ് ട്രെയിനിംഗ് സെന്ററിൽ രാവിലെ 10 മുതൽ 12.30 വരെ നടക്കും. കേരള സർവകലാശാലയുടെയും എ.ഐ.ടിയുടെയും അംഗീകാരത്തോടെ നടത്തുന്ന ദ്വിവത്സര കോഴ്‌സാണ്. ഫിനാൻസ്, മാർക്കറ്റിംഗ്, ഹ്യൂമൻ റിസോഴ്‌സ്, ലോജിസ്റ്റിക്‌സ് എന്നിവയിൽ ഡ്യൂവൽ സ്‌പെഷ്യലൈസേഷനുണ്ട്. സഹകരണ മേഖലയിൽ പ്രവർത്തിക്കുന്നവരുടെ ആശ്രിതർക്കും ഫിഷറീസ് സ്‌കോളർഷിപ്പിന് അർഹതയുള്ള വിദ്യാർത്ഥികൾക്കും പ്രത്യേക സീറ്റ് സംവരണം. എസ്.സി, എസ്.ടി വിദ്യാർത്ഥികൾക്ക് ഫീസ് ആനുകൂല്യവും ലഭ്യമാണ്. 50 ശതമാനം മാർക്കിൽ കുറയാതെയുള്ള ബിരുദമാണ് യോഗ്യത. അവസാന വർഷ ബിരുദ വിദ്യാർത്ഥികൾക്കും അപേക്ഷ ഫോം സമർപ്പിച്ചിട്ടില്ലാത്തവർക്കും അഡ്മിഷൻ എടുക്കാം. ഫോൺ: 9446835303,8547618290. വെബ്‌സൈറ്റ്: www.kicma.ac.in.