കോട്ടയം: കോട്ടയം റെയിൽവേ സ്റ്റേഷനിൽ ഒന്നാം പ്ലാറ്റ്ഫോമിൽ നിർമ്മാണം പൂർത്തിയാക്കിയ ശീതീകരിച്ച വിശ്രമഹാൾ 20ന് രാവിലെ 9ന് യാത്രകാർക്ക് തുറന്നുനൽകുമെന്ന് തോമസ് ചാഴികാടൻ എം.പി അറിയിച്ചു. 13.50 ലക്ഷം രൂപ വാർഷിക നിരക്കിൽ അഞ്ച് വർഷത്തേക്കാണ് റെയിൽവേ ശീതികരിച്ച വിശ്രമഹാളിന്റെ കരാർ നൽകിയിരിക്കുന്നത്. തിരുവനന്തപുരം റെയിൽവേ സീനിയർ ഡിവിഷണൽ കൊമേഷ്യൽ മാനേജർ ജെറിനുമായി എം.പി ഈ കാര്യം തിരുവനന്തപുരത്ത് ചർച്ച ചെയ്തു. ശബരിമല സീസൺ ആരംഭിക്കുന്ന ഘട്ടത്തിൽ കോട്ടയം റെയിൽവേ സ്റ്റേഷനിൽ വരുന്ന മുഴുവൻ യാത്രക്കാർക്കും വിശ്രമമുറി പ്രയോജനപ്പെടും.ശബരിമല തീർത്ഥാടകർക്കായി മൂന്ന് നിലയിൽ പണികഴിപ്പിച്ച പിൽഗ്രിം സെന്ററും ഉടൻ തുറക്കുമെന്നും എം.പി അറിയിച്ചു.