കുടമാളൂർ. കുടമാളൂർ കലാകേന്ദ്രത്തി​ന്റെ 44-ാം വാർഷിക സമ്മേളനം 22ന് വൈകിട്ട് 6ന് കുടമാളൂർ കരുണാകരൻ നായർ ഹാളിൽ നടക്കും. സാംസ്കാരിക മന്ത്രി വി.എൻ വാസവൻ ഉദ്ഘാടനം ചെയ്യും. കുടമാളൂർ കലാകേന്ദ്രം പ്രസി‍ഡ​ന്റ് പ്രൊഫ.മാടവന ബാലകൃഷ്ണപിള്ള അദ്ധ്യക്ഷത വഹിക്കും. തിരുവഞ്ചൂർ രാധാകൃഷ്ണൻ എം.എൽ.എ മുഖ്യാതിഥിയായിരിക്കും. കോട്ടയം മെഡിക്കൽ കോളേജ് ആശുപത്രി മുൻ സൂപ്രണ്ട് ഡോ.പി.ജി.ആർ.പിള്ള മന്ത്രി വാസവനെ ആദരിക്കും. അയ്മനം ​ഗ്രാമപഞ്ചായത്ത് പ്രസിഡ​ന്റ് സബിത പ്രേംജി, പ്രമോദ് ചന്ദ്രൻ, ബിന്ദു ഹരികുമാർ, അഡ്വ. സി.എൻ ബാലചന്ദ്രൻ തുടങ്ങിയവർ പങ്കെടുക്കും. തുടർന്ന് കീചകവധം കഥകളി അരങ്ങേറും.