വൈക്കം : ആശ്രമം സ്കൂൾ വിദ്യാർത്ഥികൾ കൃഷിപാഠം പദ്ധതിയിൽപ്പെടുത്തി നടത്തിയ ചേനകൃഷിയ്ക്ക് മികച്ച വിളവ്. കഴിഞ്ഞ വർഷത്തേക്കാൾ ഇരട്ടി വിളവു ലഭിച്ച ആഹ്ലാദത്തിലാണ് വിദ്യാർത്ഥികളും അദ്ധ്യാപകരും. തലയാഴം പഞ്ചായത്തിലെ രണ്ടേക്കർ സ്ഥലത്താണ് കൃഷിപാഠം പദ്ധതിയുടെ മൂന്നാംഘട്ടകൃഷി നടത്തിയത്. എസ്.പി.സി, എൻ.എസ്.എസ്, റെഡ്‌ക്രോസ്, ലിറ്റിൽ കൈറ്റ് തുടങ്ങിയ യൂണിറ്റുകളുടെ നേതൃത്വത്തിലാണ് കൃഷി നടത്തിയത്. അദ്ധ്യാപകരും വിദ്യാർത്ഥികളും ചേർന്നാണ് വിളവെടുപ്പ് നടത്തിയത്.
പ്രിൻസിപ്പാൾ ഷാജി.റ്റി.കുരുവിള , പ്രഥമാദ്ധ്യാപിക പി.ആർ.ബിജി, എൽ.പി സ്കൂൾ എച്ച്.എം. പി.ടി.ജിനീഷ്, എൻ.എസ്.എസ് പ്രോഗ്രാം ഓഫീസർ ഇ.പി.ബീന, അദ്ധ്യാപകരായ ആർ.ജെഫിൻ, ജയശ്രീ ആർ.കൈമൾ, പ്രിയാ ഭാസ്‌ക്കർ, സി.എസ്.ജിജി, റിറ്റു.എസ്.രാജ് , എ.ആർ.അനൂപ് കുമാർ എന്നിവർ നേതൃത്വം നൽകി.