പാലാ : ഭാരത വേലൻമഹാസഭ സംസ്ഥാന സമ്മേളനം നാളെ പാലാ വ്യാപാരഭവൻ ഓഡിറ്റോറിയത്തിൽ നടക്കും. രാവിലെ 9 ന് മുൻപ്രസിഡന്റ് വി പി ശശിധരൻ പതാക ഉയർത്തും. 9.30 ന് ചേരുന്ന പൊതുസമ്മേളനം മാണി സി. കാപ്പൻ എം.എൽ.എ. ഉദ്ഘാടനം ചെയ്യും. വേലൻ മഹാസഭ സംസ്ഥാന പ്രസിഡന്റ് വി.എൻ. ചന്ദ്രശേഖരൻ അദ്ധ്യക്ഷത വഹിക്കും. നഗരസഭാ ചെയർമാൻ ആന്റോ ജോസ് വിദ്യാഭ്യാസ അവാർഡുകൾ വിതരണം ചെയ്യും. സംസ്ഥാന ജനറൽ സെക്രട്ടറി എം.എൻ. പുരുഷോത്തമൻ സ്വാഗതവും, പ്രോഗ്രാം കമ്മറ്റി ചെയർമാൻ റ്റി.വി. ദിനേശൻ നന്ദിയും പറയും. തുടർന്ന് സംഘടനാ സമ്മേളനം. ഉച്ചതിരിഞ്ഞ് ഭരണസമിതി തിരഞ്ഞെടുപ്പ്, കലാപരിപാടികൾ.