തൃശൂരിന് രണ്ടാം സ്ഥാനം

കോട്ടയം : 23-ാമത് സംസ്ഥാന സ്പെഷ്യൽ സ്കൂൾ കലോത്സവത്തിൽ ആതിഥേയരായ കോട്ടയം സ്വർണ്ണക്കപ്പ് ചൂടി. 491 പോയിന്റുകളോടെയാണ് കോട്ടയം ഓവറാൾ ചാമ്പ്യന്മാരായത്. 469 പോയി​ന്റുമായി തൃശ്ശൂർ രണ്ടാം സ്ഥാനവും 464 പോയിന്റുമായി മലപ്പുറം മൂന്നാം സ്ഥാനവും നേടി. മാനസിക വെല്ലുവിളിയുള്ള വിദ്യാർത്ഥികളുടെ മത്സരവിഭാ​ഗത്തിൽ 71 പോയി​ന്റുകളോടെ തൃശ്ശൂർ ഒന്നാമതെത്തി. ശ്രവണ പരിമിതിയുള്ളവരുടെ വിഭാ​ഗത്തിൽ 260 പോയിന്റുകളോടെ കോഴിക്കോട് ഒന്നാം സ്ഥാനം നേടി. ആ വിഭാ​ഗത്തിൽ മണക്കാല സി.എസ്.ഐ പാർഷ്യലി ഹിയറിംഗ് ഹയർ സെക്കൻഡറി സ്കൂൾ 100 പോയി​ന്റുകൾ നേടി ഒന്നാമതെത്തി. കാഴ്ച പരിമിതിയുള്ളവരുടെ വിഭാ​ഗത്തിൽ 238 പോയി​ന്റുകളോടെ കോട്ടയം ഒന്നാം സ്ഥാനം നേടി. ഒളശ്ശ ​ഗവ.അന്ധവിദ്യാലയം 96 പോയിന്റുമായി ആ വിഭാ​ഗത്തിൽ ഒന്നാമതെത്തി. സമാപന സമ്മേളനം മന്ത്രി വി.എൻ വാസവൻ ഉദ്ഘാടനം ചെയ്തു. ചീഫ് വിപ്പ് ഡോ. എൻ. ജയരാജ് മുഖ്യപ്രഭാഷണം നടത്തി. കോട്ടയം ന​ഗരസഭ ചെയർപേഴ്സൺ ബിൻസി സെബാ​സ്റ്റ്യൻ അദ്ധ്യക്ഷത വഹിച്ചു. ജില്ലാ കളക്ടർ ഡോ.പി.കെ ജയശ്രീ വിശിഷ്ടാതിഥിയായിരുന്നു. വിദ്യാഭ്യാസ ഉപഡയറക്ടർ സുബിൻ പോൾ, അഡീഷണൽ ഡയറക്ടർ ഷൈൻമോൻ എം.കെ, കൗൺസിലർമാരായ കെ.ശങ്കരൻ, സാബു മാത്യു, ഫാ. അനീഷ് എം. ഫിലിപ്പ് തു‍ടങ്ങിയവർ പങ്കെടുത്തു.