വൈക്കം : ടി വി.പുരം നിവാസികളുടെ യാത്രാക്ലേശം പരിഹരിക്കാൻ അധികാരികൾ അടിയന്തിര നടപടി സ്വീകരിക്കണമെന്ന് എ.ഐ.വൈ.എഫ് കൊട്ടാരപ്പള്ളി യൂണി​റ്റ് കൺവൻഷൻ ആവശ്യപ്പെട്ടു. കൂടുതൽ കെ.എസ്.ആർ.ടി.സി ബസുകൾ സർവീസ് നടത്തണമെന്നും കൺവൻഷൻ ആവശ്യപ്പെട്ടു. എ.ഐ.വൈ.എഫ് ജില്ലാ പ്രസിഡന്റ് റെനീഷ് കാരിമ​റ്റം കൺവൻഷൻ ഉദ്ഘാടനം ചെയ്തു. യൂണി​റ്റ് പ്രസിഡന്റ് അതുൽ ശ്രീനിവാസൻ അദ്ധ്യക്ഷത വഹിച്ചു. മണ്ഡലം സെക്രട്ടറി സജീവ്.ബി ഹരൻ സംഘടന റിപ്പോർട്ട് അവതരിപ്പിച്ചു, മേഖലാ പ്രസിഡന്റ് അമൽ കൃഷ്ണ, സെക്രട്ടറി അഖിൽ, ജോയിന്റ് സെക്രട്ടറി ശ്രീജി ഷാജി എന്നിവർ പ്രസംഗിച്ചു.