വൈക്കം: കെ.പി.എം.എസ് ജനറൽ സെക്രട്ടറി പി.എം വിനോദ് നയിക്കുന്ന പ്രാതിനിധ്യ പ്രക്ഷോഭയാത്രയ്ക്ക് വൈക്കത്ത് ബോട്ടുജെട്ടി മൈതാനത്ത് സ്വീകരണം നൽകി. പ്രസിഡന്റ് പി.കെ.ശശിധരൻ അദ്ധ്യക്ഷത വഹിച്ചു. കെ.പി.എം.എസ് സർക്കാരിനു സമർപ്പിച്ചിട്ടുള്ള ആവശ്യങ്ങൾ അംഗീകരിച്ചു കിട്ടുന്നതു വരെ സെക്രട്ടറിയേ​റ്റ് പടിക്കൽ അനിശ്ചിതകാല സത്യാഗ്രഹ സമരം സംഘടിപ്പിക്കുമെന്ന് ജാഥാ ക്യാപ്റ്റൻ പി.എം.വിനോദ് സ്വീകരണ യോഗത്തിൽ പറഞ്ഞു. സംസ്ഥാന നേതാക്കളായ കെ.കെ.പുരുഷോത്തമൻ, ആലങ്കോട് സുരേന്ദ്രൻ , വൈക്കം വിനോദ്, സി.​റ്റി.അപ്പുക്കുട്ടൻ, ജിജി പുന്നപ്പൊഴി, ജില്ലാ സെക്രട്ടറി കെ.ശിവദാസൻ, എ.കെ.സതീശൻ, സുദർശനൻ, രമാകാന്തൻ, ഒ.കെ.ഉദയകുമാർ, സി.സുശീലൻ, സത്യപ്രകാശ്, ഉഷാ റെജി, ബീനാകുമാരി എന്നിവർ പ്രസംഗിച്ചു.