ഏറ്റുമാനൂർ: യുവാവിനെ ആക്രമിച്ച കേസിൽ അതിരമ്പുഴ പടിഞ്ഞാറ്റും നഹാസ് മൻസിലിൽ മുഹമ്മദിനെ (26) ഏറ്റുമാനൂർ പൊലീസ് അറസ്റ്റ് ചെയ്തു. ഇയാൾ കഴിഞ്ഞദിവസം സിലോൺ കവലയിൽ പാർക്ക് ചെയ്തിരുന്ന കാർ വീൽ സ്പാനർ കൊണ്ട് അടിച്ചുതകർക്കുകയും, കാർ ഡ്രൈവറെ കത്തികൊണ്ട് കുത്തുകയുമായിരുന്നു. ബന്ധുക്കളായ ഇവർ തമ്മിൽ മുൻ വൈരാഗ്യം നിലനിന്നിരുന്നു. എസ്.എച്ച്.ഒ രാജേഷ് കുമാർ, എസ്.ഐ പ്രശോഭ്, സി.പി.ഒ സജി പി.സി എന്നിവർ ചേർന്നാണ് പ്രതിയെ അറസ്റ്റ് ചെയ്തത്. ഇയാളെ കോടതിയിൽ ഹാജരാക്കി റിമാൻഡ് ചെയ്തു.