മുണ്ടക്കയം: വീട്ടിൽ നിന്ന് സ്വർണാഭരണങ്ങൾ മോഷ്ടിച്ച കേസിൽ പ്രായപൂർത്തിയാകാത്ത കുട്ടി ഉൾപ്പെടെ മൂന്നുപേരെ പൊലീസ് അറസ്റ്റ് ചെയ്തു. മുണ്ടക്കയം കല്ലേപാലം പാറക്കൽ പുരയിടം ഷിബു (42), ഭാര്യ ശ്രീദേവി (38) എന്നിവരെയാണ് മുണ്ടക്കയം പൊലീസ് അറസ്റ്റ് ചെയ്തത്. ഇവർ മുണ്ടക്കയത്തുള്ള സജീവി​ന്റെ വീട്ടിൽ നിന്നും എട്ടു പവനോളം വരുന്ന സ്വർണാഭരണങ്ങൾ മോഷ്ടിച്ചു. മോഷ്ടിച്ച സ്വർണ്ണം ഇവർ പല സ്ഥാപനങ്ങളിലായി പണയം വെച്ചിരുന്നു. പണയം വച്ച മോഷണ മുതലുകൾ പൊലീസ് കണ്ടെടുത്തു. എസ്.എച്ച്.ഒ ഷൈൻ കുമാർ എ, എസ്.ഐ മാരായ അനീഷ് പി.എസ്, അനൂപ് കുമാർ, എ.എസ്.ഐ മനോജ് കെ.ജി, സി.പി.ഒ മാരായ ജോഷി എം തോമസ്, ബിജി വി. ജെ, നൂറുദ്ദീൻ, ജയശ്രീ എന്നിവർ അന്വേഷണസംഘത്തിലുണ്ടായിരുന്നു. ഇവരെ കോടതിയിൽ ഹാജരാക്കി റിമാൻഡ് ചെയ്തു.