കൊച്ചി: പുതിയ ജാവ 42 ബോബർ വിപണിയിലെത്തി. ആർഭാടമില്ലാത്തതും എന്നാൽ ആകർഷകവുമായ ബോഡി വർക്ക്,​ ചോപ്പ്ഡ് ഫെൻഡർ,​ താഴ്‌ന്ന സിംഗിൾ സീറ്റ്,​ വീതിയേറിയ ടയറുകൾ എന്നിവ ഭംഗിയാണ്.
30.64 പി.എസ് കരുത്തും 32.74 എൻ.എം ടോർക്കും ഉത്‌പാദിപ്പിക്കുന്നതാണ് 334 സി.സി എൻജിൻ. ഗിയറുകൾ ആറ്. കസ്‌റ്റം മോട്ടോർസൈക്കിൾ ഇഷ്‌ടപ്പെടുന്നവരെ ലക്ഷ്യമിട്ടുള്ള പുത്തൻ മോഡലിന് മിസ്‌റ്റിക് കോപ്പർ,​ മൂൺസ്‌റ്റോൺ വൈറ്റ്,​ ജാസ്‌പർ റെഡ് (ഡ്യുവൽ ടോൺ)​ കളർ ഷെയ്‌ഡുകളുണ്ട്. 2.06 ലക്ഷം രൂപ മുതലാണ് ഡൽഹി എക്‌സ്‌ഷോറൂം വില.