ദസറയിലെ ആദ്യ സിംഗിൾ പുറത്ത്

നവാഗതനായ ശ്രീകാന്ത് ഒഡേല നാനിയെ നായകനാക്കി സംവിധാനം ചെയ്യുന്ന ചിത്രമാണ് ദസറ . ചിത്രത്തിലെ ആദ്യ ഗാനമായ 'ധൂം ധൂം ദോസ്ഥാൻ' പുറത്തിറങ്ങി.ഗംഭീരമായ , കിടിലൻ നൃത്തചുവടുകളുമായി കൽക്കരി ഖനികളിലെ സുഹൃത്തുക്കൾക്കൊപ്പമുള്ള ഒരു ലോക്കൽ സ്ട്രീറ്റ് ഗാനം ആണിത്. ആക്ഷൻ പാക്കഡ് മാസ് കഥാപാത്രത്തെയാണ് നാനി അവതരിപ്പിക്കുന്നത്. കീർത്തി സുരേഷാണ് ഈ നാടൻ മാസ് ആക്ഷൻ ചിത്രത്തിലെ നായിക. തെലുങ്ക്,​ തമിഴ്,​ കന്നഡ,​ മലയാളം ഹിന്ദി ഭാഷകളിൽ എത്തുന്ന ചിത്രത്തിൽ സമുദ്രക്കനി, സായ് കുമാർ, സറീന വഹാബ് എന്നിവരാണ് മറ്റ് അഭിനേതാക്കൾ, സത്യൻ സൂര്യൻ ഛായാഗ്രഹണം നിർവഹിക്കുന്ന ചിത്രത്തിന് സന്തോഷ് നാരായണൻ സംഗീതം നൽകുന്നു. എഡിറ്റർ: നവീൻ നൂലി,

ശ്രീ ലക്ഷ്മി വെങ്കിടേശ്വര സിനിമാസിന്റെ ബാനറിൽ സുധാകർ ചെറുകുരി ആണ് നിർമ്മാണം.അടുത്ത വർഷം മാർച്ച് 30ന് റിലീസ് ചെയ്യും. പി.ആർ.ഒ: ശബരി.