വിനീത് ശ്രീനിവാസനെ നായകനാക്കി ചിത്രസംയോജകൻ അഭിനവ് സുന്ദർ നായക് ആദ്യമായി സംവിധാനം ചെയ്യുന്ന മുകുന്ദനുണ്ണി അസോസിയേറ്റ്സ് ഫസ്റ്റ് ലുക്ക് പോസ്റ്റർ എത്തി. സുരാജ് വെഞ്ഞാറമൂട്, അർഷ ബൈജു, സുധികോപ്പ, തൻവിറാം, ജോർജ് കോര, മണികണ്ഠൻ പട്ടാമ്പി, സുധീഷ്, അൽത്താഫ് സലിം, നോബിൾ ബാബു തോമസ്, ബിജു സോപാനം, റിയ സെറ, വിജയൻ കാരന്തൂർ എന്നിവരാണ് മറ്റ് താരങ്ങൾ. വിമൽ ഗോപാലകൃഷ്ണനും സംവിധായകൻ അഭിനവും ചേർന്നാണ് രചന . ഛായാഗ്രാഹണം വിശ്വജിത്ത് ഒടുക്കത്തിൽ. നിധിൻരാജ് ആരോളും സംവിധായകനും ചേർന്നാണ് എഡിറ്റിംഗ്.ജോയ് മൂവി പ്രൊഡക്ഷൻസിന്റെ ബാനറിൽ ഡോക്ടർ അജിത് ജോയി ആണ് നിർമ്മാണം. പി.ആർ.ഒ: വൈശാഖ് സി. വടക്കേവീട്.