ബെംഗളൂരു: ഭാരത് ജോഡോ യാത്രയ്ക്കിടെ ആർ.എസ്.എസിനെ വിമർശനവുമായി കോൺഗ്രസ് നേതാവ് രാഹുൽ ഗാന്ധി രംഗത്ത്. ഇന്ത്യൻ സ്വാതന്ത്ര്യസമരത്തിൽ ആർ.എസ്.എസിന് യാതൊരു പങ്കുമില്ലായിരുന്നുവെന്ന് രാഹുൽ പറഞ്ഞു. സ്വാതന്ത്ര്യ സമരത്തിൽ ആർ.എസ്.എസ് ബ്രിട്ടീഷുകാരെ സഹായിക്കുകയാണ് ആർ.എസ്.എസ് ചെയ്തതെന്നും വി.‌ഡി. സവർക്കർ ബ്രീട്ടീഷുകാരിൽ നിന്ന് സഹായധനം കൈപ്പറ്റിയെന്നുംഅദ്ദേഹം ആരോപിച്ചു. ഭാരത് ജോഡോ യാത്രയുടെ ഭാ​ഗമായി ബം​ഗളൂരുവിൽ മാദ്ധ്യമപ്രവർത്തകരോട് സംവ​ദിക്കുകയായിരുന്നു രാഹുൽ

സ്വാതന്ത്ര്യസമരം നടന്ന കാലത്ത് ബി.ജെ.പി രൂപീകരിച്ചിട്ടു പോലുമില്ലെന്നും അവർക്ക് സ്വാതന്ത്ര്യ സമരത്തിൽ യാതൊരു പങ്കുമില്ലെന്നും രാഹുൽ പറഞ്ഞു. . എന്റെ അറിവനുസരിച്ച് ബ്രിട്ടീഷുകാരെ സഹായിക്കുകയാണ് ആർ.എസ്.എസ് ചെയ്തത്. അവരുടെ നേതാവ് സവർക്കർ ബ്രിട്ടീഷ് സർക്കാരിൽ നിന്ന് സഹായധനം കൈപ്പറ്റിയിരുന്നു. ഈ വസ്തുതകളൊന്നും ബി.ജെ.പിക്ക് മറക്കാനാകില്ല. കോൺഗ്രസും അതിന്റെ നേതാക്കളുമാണ് സ്വാതന്ത്ര്യത്തിനായി പോരാടിയതെന്നും രാഹുൽ ​ഗാന്ധി പറഞ്ഞു. വിദ്വേഷവും അക്രമവും പ്രചരിപ്പിക്കുന്നവർ രാജ്യ വിരുദ്ധരാണെന്നും അവർക്കെതിരെ പോരാടണമെന്നവും പോപ്പുലർ ഫ്രണ്ട് നിരോധനവുമായി ബന്ധപ്പെട്ട ചോദ്യത്തിന് മറുപടിയായി രാഹുൽ ​ഗാന്ധി പറഞ്ഞു.

പുതുതായി തിരഞ്ഞെടുക്കപ്പെടുന്ന കോൺഗ്രസ് അദ്ധ്യക്ഷന് സ്വതന്ത്രമായി തീരുമാനങ്ങളെടുക്കാനും പ്രവർത്തിക്കാനുമുള്ള അവസരമുമ്ടായിരിക്കുമെന്നും രാഹുൽ ഗാന്ധി പറഞ്ഞു.