ലേഡി സൂപ്പർ സ്റ്റാർ നയൻതാര ഇരക്കുട്ടികളുടെ അമ്മയായ വിവരം ഭർത്താവ് വിഘ്നേഷ് ശിവൻ മണിക്കൂറുകൾക്ക് മുമ്പാണ് ആരാധകരുമായി പങ്കുവച്ചത്. കുഞ്ഞുങ്ങൾക്കൊപ്പമുള്ള താരദമ്പതികളുടെ ചിത്രങ്ങളും സോഷ്യൽ മീഡിയയിൽ വൈറലായി. സിനിമാരംഗത്തുള്ളവരും ആരാധകരും താരദമ്പതികൾക്ക് ആശംസയുമായി എത്തിയിരുന്നു. പതിവ് പോലെ നെഗറ്റീവ് കമന്റുകളും പ്രചാരണവും ദമ്പതികൾക്ക് നേരെ ഉണ്ടായിരുന്നു,​ ഇവ‌രെ വിമർശിച്ച് എഴുത്തുകാരി ശ്രീ പാർവതി പങ്കുവച്ച കുറിപ്പാണ് ഇപ്പോൾ ശ്രദ്ധ നേടുന്നത്.

.'നയൻതാര വിഘ്‌നേഷ് അവരുടെ ഇരട്ട കുട്ടികൾ. കല്യാണത്തിന് മുന്നേ നയൻതാര ഗർഭിണി ആയിരുന്നെങ്കിൽ ഇവിടെ ആർക്കാണ് പ്രശ്നം? അവരുടേത് സറോഗസി ആയാലും അല്ലെങ്കിലും നിങ്ങൾക്കെന്താണ്? Pls step back from someone's personal space. Anyways wishes to both stars' എന്നാണ് ശ്രീ പാർവതി ഫേസ്ബുക്കിൽ കുറിച്ചത്.

ഏഴ് വർഷത്തെ പ്രണയത്തിന് ഒടുവിൽ ജൂൺ 9ന് ആയിരുന്നു നയൻതാര വിഘ്‌നേഷ് ശിവൻ വിവാഹം നടന്നത്. മഹാബലിപുരത്തു വച്ച് നടന്ന വിവാഹ ചടങ്ങിൽ പ്രമുഖരായ നിരവധി സിനിമാ താരങ്ങളാണ് പങ്കെടുത്തത്. ഷാരൂഖ് ഖാൻ, കമൽ ഹാസൻ, രജനികാന്ത്, സൂര്യ. ജ്യോതിക തുടങ്ങിയവർ വിവാഹത്തിൽ നിറസാന്നിധ്യമായിരുന്നു.നാനും റൗഡിതാൻ എന്ന സിനിമയുടെ സെറ്റിൽ വച്ചായിരുന്നു നയൻതാരയും വിഘ്‌നേഷും കണ്ടുമുട്ടുന്നതും പ്രണയത്തിലാകുന്നത്. 2021 സെപ്തംബറിൽ ആണ് തങ്ങളുടെ വിവാഹ നിശ്ചയം കഴിഞ്ഞ വിവരം നയൻതാര വെളിപ്പെടുത്തിയത്.