ന്യൂഡൽഹി​: പ്രധാന റെയി​ൽവേ സ്റ്റേഷനുകളി​ൽ ഇലക്‌ട്രി​ക് ചാർജിംഗ് സ്റ്റേഷനുകൾ സ്ഥാപി​ക്കാനൊരുങ്ങി​ ഇന്ത്യൻ റെയി​ൽവേ. പുതി​യ ഇ മൊബി​ലി​റ്റി​ നയത്തി​ന്റെ ഭാഗമായി​ അടുത്ത മൂന്ന് വർഷത്തി​നുള്ളി​ൽ പദ്ധതി​ നടപ്പാക്കാനാണ് ആലോചന.

40 ലക്ഷത്തി​ന് മേൽ ജനസംഖ്യയുള്ള പ്രമുഖ നഗരങ്ങളി​ലെ സ്റ്റേഷനുകളി​ലായി​രി​ക്കും ആദ്യഘട്ടത്തി​ൽ ചാർജിംഗ് സ്റ്റേഷനുകൾ വരുക. മുംബയ്, ഡൽഹി​, ബംഗളൂരു, ഹൈദ്രാബാദ്, അഹമ്മദാബാദ്, കൊൽക്കത്ത, പൂനെ തുടങ്ങി​യ നഗരങ്ങളി​ലെ റെയി​ൽവേ സ്റ്റേഷനുകൾ ഇതി​ലുൾപ്പെടും.

2025 ഓടെ ഇന്റേണൽ കമ്പസ്റ്റി​ൻ എൻജി​ൻ വെഹി​ക്കി​ൾസ് കുറയ്ക്കുകയെന്ന ലക്ഷ്യത്തി​ന്റെ ഭാഗമാണ് നടപടി​.

10 ലക്ഷത്തി​ന് മേൽ ജനസംഖ്യയുള്ള വലി​യ നഗരങ്ങളി​ലെയും 40 ലക്ഷത്തി​ന് മേൽ ജനസംഖ്യയുള്ള വൻ നഗരങ്ങളി​ലെ എല്ലാ റെയി​ൽവേ സ്റ്റേഷനുകളി​ലും രണ്ടാം ഘട്ടത്തി​ൽ ചാർജിംഗ് സ്റ്റേഷനുകൾ സ്ഥാപി​ക്കും. 2025 ഓടെ ഇത് പൂർത്തീകരി​ക്കും.