ന്യൂഡൽഹി : ശാരീരികാസ്വസ്ഥതകളെ തുടർന്ന് മുൻ മന്ത്രിയും എം.എൽ.എയുമായ രാമചന്ദ്രൻ കടന്നപ്പള്ളിയെ ഡൽഹി ആർ.എം.എൽ ആശുപത്രിയിൽ പ്രവേശിപ്പിച്ചു. രക്തത്തിൽ പഞ്ചസാരയുടെ അളവിൽ വ്യതിയാനം ഉണ്ടായതിനെ തുടർന്ന് ന്യൂഡൽഹി റെയിൽവേ സ്റ്റേഷനിൽ കുഴഞ്ഞു വീഴുകയായിരുന്നു. ആരോഗ്യനിലയിൽ ആശങ്കപ്പെടേണ്ടതില്ലെന്ന് ആശുപത്രി അധികൃതർ അറിയിച്ചു.

വയോജന ക്ഷേം സംബന്ധിച്ച നിയമസഭാ സമിതിയിൽ അംഗമായ കടന്നപ്പള്ളി ഭോപ്പാലിലേക്ക് പോകാനാണ് റെയിൽവേസ്റ്റേഷനിലെത്തിയത്. കടന്നപ്പള്ളി ആശുപത്രിയിലായതിനെ തുടർന്ന് സമിതിയുടെ യാത്ര റദ്ദാക്കി.