തിരുവനന്തപുരം: കേരള സർവകലാശാല വൈസ് ചാൻസലർ വിരമിക്കുന്ന സാഹചര്യത്തിൽ മുതിർന്ന പ്രൊഫസർമാരുടെ പട്ടിക ഉടൻ നൽകണമെന്ന് ഗവർണർ ആരിഫ് മുഹമ്മദ് ഖാൻ വിവിധ സർവകലാശാലകളിലെ വി.സിമാർക്ക് നിർദ്ദേശം നൽകി. 24ന് കേരള സർവകലാശാല വി.സി ഡോ. വി.പി. മഹാദേവൻ പിള്ള 24ന് വിരമിക്കുമ്പോൾ പകരംചുമതല നൽകാനാണ് പ്രൊഫസർമാരുടെ പട്ടിക ഗവർണർ ആവശ്യപ്പെട്ടിരിക്കുന്നത്.

വി,സിമാർ വിരമിക്കുമ്പോൾ സമീപസർവകലാശാലകളിലെ വി.സിമാർക്ക് പകരം ചുമതല നൽകുകയാണ് പതിവ്. ഇതിന് പകരമാണ് സീനിയറായ പ്രൊഫസർക്ക് തന്നെ ചുമതല നൽകാനുള്ള ഗവർണറുടെ നീക്കം.

അതേസമയം ഇന്നലെ തന്റെ നോമിനികളായ 15 സെനറ്റ് അംഗങ്ങളെ ഗവർണർ പിൻവലിച്ചതോടെ സർക്കാർ പ്രതിരോധത്തിലായി. നിലവിലെ സ്ഥിതിഗതികൾ വൈസ് ചാൻസലർ സർക്കാരിനെ അറിയിച്ചിട്ടുണ്ട്ച ട്ട പ്രകാരമുള്ള നടപടിയാണ് ഗവർണർ സ്വീകരിച്ചത് എന്നതിനാൽ സർക്കാരിന് ഇടപെടാൻ ആകില്ല. നാലിനാണ് അടുത്ത സെനറ്റ് യോഗം.