ചെന്നൈ: ഉപഭോക്താവിന് പരിരക്ഷയ്ക്കൊപ്പം സമ്പാദ്യവും ഉറപ്പുനൽകുന്ന സിംഗിൾ പ്രീമിയം പ്ളാനായ 'ധൻ വർഷ" അവതരിപ്പിച്ച് എൽ.ഐ.സി. പോളിസി കാലയളവിൽ പോളിസി ഉടമ മരണപ്പെട്ടാൽ കുടുംബത്തിന് സാമ്പത്തിക പിന്തുണ നൽകുന്ന പ്ളാൻ കൂടിയാണിത്.

പത്ത് വർഷം,​ 15 വർഷം എന്നിങ്ങനെ രണ്ട് ഓപ്‌ഷനുകൾ ഈ പോളിസിക്കുണ്ട്. പത്തുവർഷ ഓപ്ഷനിൽ 8 വയസും 15 വർഷ ഓപ്‌ഷനിൽ 3 വയസുമാണ് ചേരാവുന്ന കുറഞ്ഞ പ്രായപരിധി. കുറഞ്ഞ പ്രായപരിധി ഓപ്‌ഷനനുസരിച്ച് 35 മുതൽ 60 വയസുവരെ. 12,​50,​000 രൂപയാണ് കുറഞ്ഞ സം അഷ്വേർഡ് തുക. കൂടിയ തുകയ്ക്ക് പരിധിയില്ല. ധൻ വർഷ പോളിസിയിന്മേൽ നിബന്ധനകളോടെ വായ്‌പ എടുക്കാനുള്ള സൗകര്യവുമുണ്ട്. ഏജന്റുമാർ വഴിയോ www.licindia.in വഴിയോ പോളിസി വാങ്ങാം.