പാ​രീ​സ്:​ പരിക്കും വിവാദങ്ങളും പലപ്പോഴും കരിനിഴൽ വീഴ്ത്തിയ കരിം ബെൻസെമയുടെ കരിയർ ഇപ്പോൾ ഗ്രഹണത്തിന് ശേഷമെന്ന പോലെ മിന്നിത്തിളങ്ങുകയാണ്. അതിനുള്ള തിലകം ചാർത്തി ഫു​ട്ബാ​ൾ​ ​ലോ​ക​ത്തെ​ ​ഗ്ലാ​മ​ർ​ ​അ​വാ​ർ​ഡാ​യ​ ​ബാ​ലോൺ​ ​ഡി​ ​ഓ​ർ​ ​പു​ര​സ്കാ​ര​വും റയൽ മാഡ്രിഡിന്റെ വിശ്വസ്തനായ ഫ്രഞ്ച് സ്ട്രൈക്കറെ തേടിയെത്തിയിരിക്കുന്നു. ക​ഴി​ഞ്ഞ​ ​സീ​സ​ണി​ൽ​ ​റ​യ​ൽ​ ​മാ​ഡ്രി​ഡി​നെ​ ​ചാ​മ്പ്യ​ൻ​സ് ​ലീ​ഗ്,​​​ ​ലാ​ ​ലീ​ഗ​ ​ചാ​മ്പ്യ​ൻ​മാ​രാ​ക്കു​ന്ന​തി​ൽ​ ​പ്ര​ധാ​ന​ ​പ​ങ്കു​വ​ഹി​ച്ച​ ​താ​ര​മാ​യ​ ​ബെ​ൻസെ​മ​യ്ക്ക് ​ഫ്ര​ഞ്ച് ​ഫു​ട്ബാ​ൾ​ ​മാ​ഗ​സി​ൻ​ ​ന​ൽ​കു​ന്ന​ ​ബാ​ലോൺ​ ​ഡി​ ​ഓ​ർ​ ​പു​ര​സ്കാ​രം​ ​അ​ർ​ഹ​ത​യ്ക്കു​ള്ള​ ​അം​ഗീ​കാ​രമായാണ് വിലയിരുത്തപ്പെടുന്നത്. ബാലോൺ ഡി ഓർ നേടുന്ന അഞ്ചാമത്തെ ഫ്രഞ്ച് താരവും 1998ൽ സിനദിൻ സിദാൻ നേടിയ ശേഷം ഈ പുരസ്കാരം നേടുന്ന ആദ്യ ഫ്രഞ്ച് താരവുമാണ് ബെൻസെമ. സി​ദാ​നാ​ണ് ​ബെ​ൻ​സെ​മ​യ്ക്ക് ​പു​ര​സ്കാ​രം​ ​സ​മ്മാ​നി​ച്ച​ത്. കഴിഞ്ഞ സീസണിൽ റയലിനായി 46 മത്സരങ്ങളിൽ നിന്ന് 44 ഗോളും 15 അസിസ്റ്റുമാണ് ബെൻസെമ സ്വന്തം പേരിൽ എഴുതിച്ചേർത്തത്. 2009 മുതൽ റയലിന്റെ താരമാണ് ബെൻ. ​ഇ​ത്ത​വ​ണ​ത്തെ​ ​യു​വേ​ഫ​ ​പു​ര​സ്കാ​ര​വും​ 34കാരനായ ​ബെ​ൻ​സെ​മ​യ്ക്കാ​യി​രു​ന്നു.​ മി​ക​ച്ച​ ​വ​നി​താ​ ​താ​ര​ത്തി​നു​ള്ള​ ​ബാലോൺ​ ​ഡി​ ​ഓ​ർ​ ​ഫെ​മി​നി​ൻ​ ​പു​ര​സ്കാ​രം​ ​തു​ട​ർ​ച്ച​യാ​യ​ ​ര​ണ്ടാം​ ​ത​വ​ണ​യും​ ​ബാ​ഴ്സ​ലോ​ണ​യു​ടെ​ ​സ്പാ​നി​ഷ് ​താ​രം​ ​അ​ല​ക്സി​യ​ ​പു​ട്ടെ​ല്ലാ​സ് ​സ്വ​ന്ത​മാ​ക്കി.

മറ്റ് പുരസ്കാരങ്ങൾ

മികച്ച ഗോൾ കീപ്പർ :തി​ബൗ​ട്ട് ​കോ​ട്ട്വാ (റയൽ മാഡ്രിഡ്, ബൽജിയം),

യുവതാരം - ഗാവി (ബാഴ്സലോണ, സ്പെയിൻ)

മികച്ച സ്ട്രൈക്കർ - റോ​ബ​ർ​ട്ട് ​ലെ​വ​ൻ​ഡോ​വ്‌​സ്കി​ (ബാഴ്സലോണ, പോളണ്ട് പര്സകാരത്തിന് പരിഗണിച്ചത് ബയേണിലെ പ്രകടനത്തിന്)

സോക്രട്ടീസ് അവാർഡ് - സാദിയോ മാനെ (ബയേൺ മ്യൂണിക്ക്, സെനഗൽ)
ക്ലബ്- മാഞ്ചസ്റ്രർ സിറ്രി