വിജയ് സേതുപതി , സുൻദീപ് കിഷൻ എന്നിവരെ പ്രധാന കഥാപാത്രങ്ങളാക്കി രഞ്ജിത് ജയക്കൊടി സംവിധാനം ചെയ്യുന്ന മൈക്കിൾ എന്ന ചിത്രത്തിന്റെ ടീസർ പുറത്തിറങ്ങി. വിജയ് സേതുപതിയും സുൻദീപ് കിഷനും ടീസറിൽ നിറഞ്ഞു നിൽക്കുന്നു. തെലുങ്ക്, തമിഴ്, കന്നഡ, മലയാളം, ഹിന്ദി ഭാഷകളിൽ പാൻ ഇന്ത്യ ചിത്രമായി എത്തുന്ന മൈക്കിളിൽ ഗൗതം മേനോൻ, ദിവ്യാൻഷ കൗശിക്, വരലക്ഷ്മി ശരത്കുമാർ, വരുൺ സന്ദേശ് തുടങ്ങിയവരാണ് മറ്റ് താരങ്ങൾ. ശ്രീ വെങ്കിടേശ്വര സിനിമാസ് എൽഎൽപി, കരൺ സി പ്രൊഡക്ഷൻസ് എന്നീ ബാനറുകളിൽ ഭരത് ചൗധരിയും പുസ്കൂർ രാം മോഹൻ റാവുവും ചേർന്നാണ് നിർമാണം. പിആർഒ: ശബരി