കൊച്ചി: നടപ്പുവർഷത്തെ ആദ്യപകുതിയിൽ (ഏപ്രിൽ-സെപ്തംബർ) സി.എസ്.ബി ബാങ്ക് 31 ശതമാനം വളർച്ചയോടെ 235.07 കോടി രൂപ ലാഭം രേഖപ്പെടുത്തി. മുൻവർഷത്തെ സമാനകാലത്ത് ലാഭം 179.57 കോടി രൂപയായിരുന്നു. പ്രവർത്തനലാഭം 312.08 കോടി രൂപയാണ്. 2021ലെ സമാനകാലത്തെ പ്രവർത്തനലാഭം 324.12 കോടി രൂപയായിരുന്നു.

അറ്റ പലിശ വരുമാനം 16 ശതമാനം ഉയർന്ന് 635.66 കോടി രൂപയായി. ആകെ നിക്ഷേപം 10 ശതമാനം ഉയർന്നു. 24.15 ശതമാനമാണ് വായ്പാവളർച്ച. ബാങ്കിന്റെ മൊത്തം നിഷ്‌ക്രിയ ആസ്‌തി ജൂൺപാദത്തിലെ 1.79 ശതമാനത്തിൽ നിന്ന് 1.65 ശതമാനത്തിലേക്ക് കുറഞ്ഞു. അറ്റ നിഷ്‌ക്രിയ ആസ്‌തി 0.60 ശതമാനത്തിൽ നിന്ന് 0.57 ശതമാനത്തിലേക്കും മെച്ചപ്പെട്ടു.