കൊച്ചി: ഹോണ്ടയുടെ സ്പോർട്‌സ് ബൈക്കായ ആഫ്രിക്ക ട്വിൻ പുത്തൻ മോഡലിൽ ഉപഭോക്താക്കൾക്കായി കാത്തിരിക്കുന്നത് ഫ്രണ്ട് കാമറ ഉൾപ്പെടെ അത്യാധുനിക ഫീച്ചറുകൾ. ഓഫ്‌-റോഡുകളിലെ റൈഡിംഗിന് റൈഡറെ സഹായിക്കുംവിധമാണ് കാമറ ഉൾക്കൊള്ളിച്ചിട്ടുള്ളത്.
ഹെഡ്‌ലൈറ്റിന് തൊട്ടുതാഴെയാണ് കാമറയുടെ സ്ഥാനം. വൈകാതെ ഹോണ്ടയുടെ ഗോൾഡ് വിംഗ് ശ്രേണിയിലും സ്കൂട്ടറുകളിലും കാമറകൾ ഇടംപിടിച്ചേക്കുമെന്നാണ് സൂചനകൾ.
ബൈക്കുകളിൽ കാമറ ഇടംനേടുന്നത് ആദ്യമല്ല. ബെനെലി ടി.ആർ.കെ 702യിലും കാമറയുണ്ട്. ഡുകാറ്റി മൾട്ടിസ്‌ട്രാഡ, ഓസ്‌ട്രേലിയൻ ബ്രാൻഡായ കെ.ടി.എം എന്നിവ ഉപയോഗിക്കുന്നത് ആധുനിക റഡാർ ടെക്‌നോളജിയാണ്. ആഫ്രിക്ക ട്വിന്നിലെ കാമറയെക്കുറിച്ച് കൂടുതൽ വിവരങ്ങൾ കമ്പനി വെളിപ്പെടുത്തിയിട്ടില്ല.