തിരുവനന്തപുരം: ഒൻപത് സർവകലാശാലകളിലെ വൈസ് ചാൻസലർമാർ രാജിവയ്‌ക്കണമെന്ന് ആവശ്യപ്പെട്ട് ഗവർണർ ആരിഫ് മുഹമ്മദ് ഖാൻ. തന്റെ ട്വീറ്റിലൂടെയാണ് ഗവർണർ ഇക്കാര്യം ആവശ്യപ്പെട്ടത്. കേരള, ഫിഷറീസ്, കണ്ണൂർ,എം.ജി,കുസാറ്റ് അടക്കം ഒൻപത് സർവകലാശാലയിലെയും വൈസ് ചാൻസലർമാർ രാജിവയ്‌ക്കണമെന്നാണ് ഗവർണർ ട്വീറ്റ് ചെയ്‌തത്.

സാങ്കേതിക സർവകലാശാല വി.സിയെ പുറത്താക്കിയ സുപ്രീംകോടതി ഉത്തരവ് ചൂണ്ടിക്കാട്ടിയാണ് ഗവർണർ ഒൻപത് വി.സിമാരുടെയും രാജി ആവശ്യപ്പെട്ടത്. ഒൻപതിൽ അഞ്ച് വിസിമാരുടെയും നിയമനം യുജിസി ചട്ടം ലംഘിച്ചാണെന്നാണ് വിവരം. നാളെ രാവിലെ 11.30നകം രാജികത്ത് രാജ്ഭവനിൽ എത്തിച്ചിരിക്കണമെന്നും ഗവർണർ നിർദ്ദേശിച്ചു.

Upholding the verdict of Hon'ble SupremeCourt dt 21.10.22 in Civil Appeal Nos.7634-7635 of 2022(@ SLP(c)Nos.21108-21109 of 2021) Hon'ble Governor Shri Arif Mohammed Khan has directed Vice Chancellors of 9 varsities in Kerala(see image) to tender resignation: PRO,KeralaRajBhavan pic.twitter.com/tsT5tQ9NJr

— Kerala Governor (@KeralaGovernor) October 23, 2022