ഇനിയൊരു ജന്മമുണ്ടെങ്കിൽ ശ്രീ പദ്മനാഭന്റെ അരികിൽ ഒരു മന്ദമാരുതനാകണം-അശ്വതി തിരുനാൾ ഗൗരിലക്ഷ്മിബായ് പറയുന്നു

ക​വ​ടി​യാ​ർ​ ​കൊ​ട്ടാ​ര​ത്തി​ന്റെ​ ​പ​ടി​ഞ്ഞാ​റു​ ​ഭാ​ഗ​ത്തു​ ​നി​ൽ​ക്കു​മ്പോ​ൾ​ ​ഒ​രു​ ​കാ​റ്റി​ങ്ങ​നെ​ ​ക​ട​ന്നു​വ​രും.​ ​അ​ത് ​ശ്രീ​ ​പ​ദ് ​മ​നാ​ഭ​ ​സ്വാ​മി​ക്ഷേ​ത്ര​ത്തെ​യും​ ​ഗോ​പു​ര​ത്തെ​യും​ ​ത​ഴു​കി​ ​വ​രു​ന്ന​ ​കാ​റ്റാ​യാ​ണ് ​എ​നി​ക്കെ​പ്പോ​ഴും​ ​തോ​ന്നാ​റു​ള്ള​ത്.​ ​അ​ത് ​എ​ന്നെ​യും​ ​വ​ന്നു​ ​ത​ലോ​ടും.​ ​അ​ങ്ങ​നെ​യാ​ണ് ​ഇ​നി​യൊ​രു​ ​ജ​ന്മ​മു​ണ്ടെ​ങ്കി​ൽ​ ​ശ്രീ​ ​പ​ദ് ​മ​നാ​ഭ​ന്റെ​ ​അ​രി​കി​ൽ​ ​ഒ​രു​ ​മ​ന്ദ​മാ​രു​ത​നാ​യി​ ​മാ​റ​ണ​മെ​ന്ന് ​എ​നി​ക്ക് ​തോ​ന്നി​യ​ത്.​ ​'​ ​-​ക​വി​ത​ ​തു​ളു​മ്പു​ന്ന​ ​ഈ​ ​വാ​ക്കു​ക​ൾ​ ​ക​വ​ടി​യാ​ർ​ ​കൊ​ട്ടാ​ര​ത്തി​ലെ​ ​അ​ശ്വ​തി​ ​തി​രു​നാ​ൾ​ ​ഗൗ​രി​ ​ല​ക്ഷ്മി​ ​ബാ​യ് ​ത​മ്പു​രാ​ട്ടി​യു​ടേ​താ​ണ്.​അ​ശ്വ​തി​ ​തി​രു​നാ​ളു​മാ​യി​ ​സം​സാ​രി​ച്ച​തി​ൽ​ ​നി​ന്ന്:
'​ ​ആ​ദ്യ​മൊ​ക്കെ​ ​ഭ​ഗ​വാ​ന്റെ​ ​തൃ​പ്പാ​ദ​ങ്ങ​ളി​ൽ​ ​അ​ർ​പ്പി​ക്കു​ന്ന​ ​തു​ള​സി​യാ​യി​ ​ജ​നി​ച്ചാ​ൽ​ ​മ​തി​യെ​ന്നാ​ണ് ​ചി​ന്തി​ച്ച​ത്.​ ​തി​രു​വ​ന​ന്ത​പു​ര​ത്തെ​ ​പ​ദ് ​മ​നാ​ഭ​സ്വാ​മി​യു​ടെ​ ​എ​ന്നു​ ​പ്ര​ത്യേ​കം​ ​പ​റ​യ​ണം.​പ​ദ് ​മ​നാ​ഭ​സ്വാ​മി​ ​മ​റ്റു​ ​പ​ല​യി​ട​ത്തു​മു​ണ്ട​ല്ലോ.​പി​ന്നെ​യ​ത് ​മാ​റി.​തു​ള​സി​ ​അ​ർ​പ്പി​ച്ചാ​ലും​ ​അ​ടു​ത്ത​ ​ദി​വ​സം​ ​നി​ർ​മ്മാ​ല്യ​ത്തി​ൽ​ ​മാ​റ്റു​മ​ല്ലോ.​ഒ​രു​ ​സ്ഥി​ര​ത​ ​ഉ​ണ്ടാ​വു​ക​യു​മി​ല്ല.​അ​ങ്ങ​നെ​യാ​ണ് ​ഭ​ഗ​വാ​ന് ​പു​തി​യ​ ​ആ​പ്ളി​ക്കേ​ഷ​ൻ​ ​ന​ൽ​കി​യ​ത്.​"​ ​ചി​രി​ച്ചു​കൊ​ണ്ട് ​അ​ശ്വ​തി​ ​തി​രു​നാ​ൾ​ ​പ​റ​ഞ്ഞു.
ആ​ ​കാ​റ്റ് ​ആ​ന​ന്ദ​ദാ​യ​ക​മാ​യ​ ​ഒ​രു​ ​അ​നു​ഭൂ​തി​യാ​ണ് ​ന​ൽ​കു​ന്ന​ത് .​ഒ​രു​ ​ത​രം​ ​ഇ​ൻ​ടോ​ക്സി​ക്കേ​ഷ​ൻ​ .​അ​പ്പോ​ഴാ​ണ് ​തു​ള​സി​യാ​കേ​ണ്ട​ ​എ​ന്നൊ​രു​ ​തോ​ന്ന​ലു​ണ്ടാ​യ​ത്.​എ​പ്പോ​ഴും​ ​ഭ​ഗ​വാ​ന്റെ​യ​ടു​ത്ത് ​ശ്രീ​കോ​വി​ലും​ ​ക്ഷേ​ത്ര​മാ​കെ​യും​ ​ഒ​രു​ ​മ​ന്ദ​മാ​രു​ത​നാ​യി​ ​പ്ര​ദ​ക്ഷി​ണം​ ​വ​ച്ച് ​സ​ന്തോ​ഷ​മാ​യി​ ​ഞാ​ന​ങ്ങി​നെ​ ​കഴി​ഞ്ഞോളാം.
ഭ​ഗ​വാ​ന് ​ക​ഴി​യു​ന്ന​ത്ര​ ​അ​പേ​ക്ഷ​ ​ന​ൽ​കാ​തി​രി​ക്കു​ക​യാ​ണ് ​വേ​ണ്ട​ത്.​ ​പ​ക്ഷെ​ ​ഈ​ ​ലോ​ക​ത്ത് ​ജീ​വി​ക്കു​മ്പോ​ൾ​ ​എ​പ്പോ​ഴും​ ​അ​ങ്ങ​നെ​യാ​കാ​ൻ​ ​ക​ഴി​യി​ല്ല​ല്ലോ.​ഒ​മ്പ​ത​ര​ ​വ​ർ​ഷം​ ​സു​പ്രീം​ ​കോ​ട​തി​യി​ൽ​ ​കേ​സ്സു​ ​ന​ട​ന്ന​പ്പോ​ൾ​ ​ഞാ​നും​ ​ഡ​ൽ​ഹി​യി​ൽ​ ​പോ​യി​രു​ന്നു.​അ​ന്നൊ​ക്കെ​ ​തു​ട​ക്ക​ത്തി​ൽ​ ​കേ​സ് ​ജ​യി​ക്ക​ണ​മെ​ന്നൊ​ക്കെ​ ​പ്രാ​ർ​ത്ഥി​ച്ചി​ട്ടു​ണ്ടാ​കും.​കു​റ​ച്ചു​ ​ക​ഴി​ഞ്ഞ​പ്പോ​ൾ​ ​അ​തും​ ​നി​ർ​ത്തി.​ഭ​ഗ​വാ​നെ​ ​തൊ​ഴു​മ്പോ​ൾ​ ​ജ​യ​ ​ജ​യ​ ​പ​ദ് ​മ​നാ​ഭ​ ​എ​ന്ന​ ​മ​ഹാ​മ​ന്ത്രം​ ​മാ​ത്രം​ ​ഉ​രു​വി​ടു​ന്ന​താ​യി​ ​പ​തി​വ് .​ഭ​ഗ​വാ​ന്റെ​ ​അ​ഭീ​ഷ്ടം​ ​എ​ന്തോ​ ​അ​തു​പോ​ലെ​ ​ന​ട​ക്കും.​അ​തി​ന്റെ​യ​ർ​ത്ഥം​ ​ഒ​ന്നും​ ​ചോ​ദി​ക്കി​ല്ലെ​ന്ന​ല്ല.​കു​ഞ്ഞു​ങ്ങ​ൾ​ക്കും​ ​അ​ടു​പ്പ​മു​ള്ള​വ​ർ​ക്കു​മൊ​ക്കെ​ ​അ​സു​ഖം​ ​വ​ന്നാ​ൽ​ ​ഭ​ഗ​വാ​നെ​ ​സൂ​ക്കേ​ട് ​വേ​ഗം​ ​മാ​റ്റ​ണ​മേ​യെ​ന്ന് ​അ​പേ​ക്ഷി​ക്കും.​അ​ത് ​വ്യ​ത്യ​സ്തമാ​യ​ ​കാ​ര്യ​മാ​ണ​ല്ലോ.​പ​ദ്മ​നാ​ഭ​സ്വാ​മി​ ​ക്ഷേ​ത്ര​ത്തി​ലെ​ ​ഒ​രു​ ​മ​ണ​ൽ​ത്ത​രി​യാ​യാ​ലും​ ​മ​തി​യെ​ന്ന് ​ഒ​രി​ക്ക​ൽ​ ​ചി​ന്തി​ച്ചി​രു​ന്നു.​പി​ന്നീ​ട​തും​ ​വേ​ണ്ടെ​ന്നു​വ​ച്ചു.​കാ​റ്റാ​കു​ന്ന​താ​ണ് ​ന​ല്ല​ത്.
പ​ദ് ​മ​നാ​ഭ​സ്വാ​മി​ ​ക്ഷേ​ത്ര​ത്തി​ൽ​ചെ​ല്ലു​മ്പോൾ ജ​യ​ ​ജ​യ​ ​പ​ദ് ​മ​നാ​ഭ​ ​എ​ന്നാ​ണ് ​സ​ർ​വ്വ​സാ​ധാ​ര​ണ​മാ​യി​ ​പ്രാ​ർ​ത്ഥി​ക്കു​ന്ന​ത്.​ ​ഒ​പ്പം​ ​ലോ​കാ​ ​സ​മ​സ്താ​ ​സു​ഖി​നോ​ ​ഭ​വ​ന്തു​വും​ ​പ്രാ​ർ​ത്ഥി​ക്കും​ .​ 104​ ​വ​യ​സു​വ​രെ​ ​ഭ​ഗ​വാ​നെ​ ​സേ​വി​ക്ക​ണ​മെ​ന്ന് ​ഒ​രി​ക്ക​ൽ​ ​പ​റ​ഞ്ഞ​ത് ​മ​റ്റൊ​ന്നും​ ​ഉ​ദ്ദേ​ശി​ച്ച​ല്ല.​ഒ​രു​ ​പു​രു​ഷാ​യു​സ്സ് 120​ ​വ​യ​സ​ല്ലേ.​ 120​ ​എ​ന്നു​ദ്ദേ​ശി​ച്ച​ത് 104​ ​എ​ന്നാ​യി​പ്പോ​യ​താ​ണ്.​പി​ന്നെ​യ​ത് ​അ​ങ്ങ​നെ​യി​രി​ക്ക​ട്ടെ​യെ​ന്നു​ ​ക​രു​തി.​വേ​ണ​മെ​ങ്കി​ൽ​ ​പു​തു​ക്കി​ ​അ​പേ​ക്ഷ​ ​ന​ൽ​കാ​മ​ല്ലോ.​(​ചി​രി​ക്കു​ന്നു).

പ്രാ​യ​മാ​കു​മ്പോൾ
പ്രാ​യ​മാ​കു​ന്ന​തി​ന്റെ​ ​ഗു​ണ​വും​ ​ദോ​ഷ​വും​ ​എ​ന്താ​ണെ​ന്നു​ ​ചോ​ദി​ച്ചാൽ സ്വാ​ഭാ​വി​ക​മാ​യി​ ​മെ​റ്റ​ബോ​ളി​സ​ത്തി​ൽ​ ​മാ​റ്റം​ ​വ​രും.​ചി​ല​പ്പോ​ൾ​ ​അ​സു​ഖ​ങ്ങ​ളും​ ​വ​രാം.
പ​ദ് ​മ​നാ​ഭ​ന്റെ​ ​അ​നു​ഗ്ര​ഹം​ ​കൊ​ണ്ട് ​എ​നി​ക്ക് ​ഡ​യ​ബ​റ്റീ​സോ,​ ​പ്ര​ഷ​റോ​ ,​കൊ​ള​സ്ട്രോ​ളോ​ ,​തൈ​റോ​യി​ഡോ​ ​അ​ങ്ങ​നെ​ ​യാ​തൊ​ന്നും​ ​ഇ​ല്ല.​നാ​ള​ത്തെ​ക്കാ​ര്യം​ ​അ​റി​യി​ല്ല.​ ​ഹി​സ്റ്റ​റി​ ​ലി​ബ​റേ​റ്റ​ഡ്എ​ന്ന​ ​എ​ന്റെ​ ​പു​സ്ത​കം​ ​ഇ​പ്പോ​ൾ​ ​ഇം​ഗ്ളീ​ഷി​ൽ​ ​നി​ന്ന് ​മ​ല​യാ​ള​ത്തി​ലേ​ക്ക് ​പ​രി​ഭാ​ഷ​പ്പെ​ടു​ത്തു​ക​യാ​ണ് .​ ​സ​ ​ദ്ഭാ​വ​ന​ ​ട്ര​സ്റ്റാ​ണ് ​പ്ര​സി​ദ്ധീ​ക​രി​ക്കു​ക.​സ​ബ് ​ടൈ​റ്റി​ൽ​ ​ശ്രീ​ചി​ത്ര​ ​സാ​ഗ​ ​എ​ന്നാ​ണ്.​പൊ​ന്ന​മ്മാ​വ​ന്റെ​ ​കാ​ലം​ ​മാ​ത്ര​മ​ല്ല​ .​ഒ​രു​പാ​ട് ​കാ​ലം​ ​പി​ന്നോ​ട്ടു​ ​സ​ഞ്ച​രി​ക്കു​ന്നു​മു​ണ്ട്. മൂ​ന്ന​ര​വ​ർ​ഷം​ ​സ​മ​യം​ ​എ​ടു​ത്താ​ണ് ​ഞാ​നാ​ ​പു​സ്ത​ക​മെ​ഴു​തി​യ​ത്.​ ​അ​പ്പോ​ൾ​ ​എ​ന്റെ​ ​മ​ന​സ് ​നാ​ൽ​പ്പ​ത്തി​യ​ഞ്ചി​ൽ​ ​നി​ൽ​ക്കു​ക​യാ​ണെ​ന്ന​ ​ചി​ന്ത​യാ​യി​രു​ന്നു​ ​ഉ​ള്ളി​ൽ​.​ ​എ​ന്നാ​ൽ​ ​എ​ന്റെ​ ​മ​ക​ന് ​എ​ന്നേ​ക്കാ​ളും​ ​പ്രാ​യ​മാ​യാ​ൽ​ ​പി​ന്നെ​യാ​ ​ചി​ന്ത​ ​പ​റ്റൂ​ല​ല്ലോ...​ഈ​ ​പു​സ്ത​ക​മെ​ഴു​തി​ക്ക​ഴി​ഞ്ഞ​പ്പോ​ൾ​ ​പെ​ട്ടെ​ന്ന് ​എ​നി​ക്കു​ ​പ്രാ​യ​മാ​യെ​ന്ന് ​തോ​ന്നി.​ ​അ​തു​വ​രെ​ ​അ​ങ്ങ​നെ​യൊ​രു​ ​ചി​ന്ത​ ​എ​നി​ക്കു​ണ്ടാ​യി​ട്ടേ​യി​ല്ല.​ക​ഴി​ഞ്ഞ​ ​കൊ​ല്ല​മാ​ണ് ​ബു​ക്ക് ​പ്ര​സി​ദ്ധീ​ക​രി​ച്ച​ത്.
ആ​ ​തോ​ന്ന​ൽ​ ​വ​ന്ന​പ്പോ​ൾ​ ​എ​ന്നെ​ ​എ​ഴു​ത്തി​ൽ​ ​സ​ഹാ​യി​ക്കു​ന്ന​ ​പ്രൊ​ഫ.​ന​ളി​ൻ​ ​ഗ​ണേ​ശ​നോ​ടും​ ​ഉ​മാ​ ​മ​ഹേ​ശ്വ​രി​യോ​ടും​ ​ഐ​ ​ഫീ​ൽ​ ​ഓ​ൾ​ഡെ​ന്ന് ​പ​റ​ഞ്ഞു.​ ​കാ​ല​ങ്ങ​ളി​ലൂ​ടെ​ ​ദീ​ർ​ഘ​കാ​ലം​ ​സ​ഞ്ച​രി​ച്ചി​ല്ലേ​യെ​ന്നാ​യി​രു​ന്നു​ ​അ​വ​രു​ടെ​ ​മ​റു​പ​ടി.​ ​ശ​രി​ക്കും​ ​വ​ലി​യൊ​രു​ ​കാ​ല​ത്തി​ലൂ​ടെ​ ​സ​ഞ്ച​രി​ക്കു​ക​യാ​യി​രു​ന്നു.​ഓ​രോ​ ​ചു​വ​ടും​ ​അ​ടി​വ​ച്ച​ടി​വ​ച്ചാ​ണ് ​ഞാ​ൻ​ ​മു​ന്നോ​ട്ടു​പോ​യ​ത്.

കൊ​തി​യി​ല്ല
ജീ​വി​ച്ചി​രി​ക്കാ​ൻ​ ​കൊ​തി​യോ​ ,​ഒ​രു​പാ​ടാ​ഗ്ര​ഹ​മോ​ ​ഒ​ന്നു​മി​ല്ല.​ന​മ്മ​ൾ​ ​ജീ​വി​ച്ചി​രി​ക്കു​ന്ന​തു​കൊ​ണ്ട് ​സ​മൂ​ഹ​ത്തി​നോ,​ ​കു​ടും​ബ​ത്തി​നോ,​ ​വ്യ​ക്തി​ക​ൾ​ക്കോ​ ​ഒ​രു​ ​സാ​ന്ത്വ​ന​മോ​,​സ​ന്തോ​ഷ​മോ​ ​പ​ക​രാ​നും​ ,​സ​ഹാ​യം​ ​ചെ​യ്യാ​നും​ ​സാ​ധി​ക്കു​മെ​ങ്കി​ൽ​ ​അ​തൊ​രു​ ​അ​നു​ഗ്ര​ഹം​ ​ത​ന്നെ​യാ​ണ്.
വ​ള​രെ​ ​വേ​ണ്ട​പ്പെ​ട്ട​വ​ർ​ ​ചി​ല​രൊ​ക്കെ​ ​പി​രി​ഞ്ഞു​പോ​യ​തി​ന്റെ​ ​ദു​ഃ​ഖം​ ​വി​ടാ​തെ​ ​പി​ന്തു​ട​രാ​റു​ണ്ടോ​യെ​ന്നു​ ​ചോ​ദി​ച്ചാ​ൽ​ ​മ​റ്റെ​ല്ലാ​വ​രെ​യും​ ​പോ​ലെ​ ​അ​തി​നോ​ടു​ ​പൊ​രു​ത്ത​പ്പെ​ടാ​ന​ല്ലേ​ ​ക​ഴി​യു​ക​യു​ള്ളു.​ ​എ​നി​ക്കു​ ​മാ​ത്ര​മ​ല്ല​ല്ലോ.​ലോ​ക​ത്ത് ​ആ​ർ​ക്കാ​ണ് ​അ​ങ്ങ​നെ​യൊ​രു​ ​വേ​ർ​പി​രി​യ​ൽ​ ​ഉ​ണ്ടാ​കാ​ത്ത​ത്.​എ​ല്ലാ​വ​ർ​ക്കും​ ​വേ​ണ്ട​പ്പെ​ട്ട​ ​ആ​രെ​ങ്കി​ലു​മൊ​ക്കെ​ ​പോ​യി​ട്ടു​ണ്ടാ​കി​ല്ലേ.​അ​വ​രു​ടെ​ ​കൂ​ടെ​പ്പോ​കാ​ൻ​ ​പ​റ്റി​ല്ല​ല്ലോ.​ജി​വി​ച്ച​ല്ലേ​ ​പ​റ്റു.​ന​മ്മ​ൾ​ ​ദു​ഃ​ഖി​ച്ച് ​ക​ര​ഞ്ഞു​വി​ളി​ച്ചി​രു​ന്ന് ​ബാ​ക്കി​യു​ള്ള​വ​ർ​ക്ക് ​കൂ​ടി​ ​ഒ​രു​ ​ത​ല​വേ​ദ​ന​യാ​യി​ ​മാ​റ​രു​ത്. ജീ​വി​ത​ത്തെ​ ​വ​രു​ന്ന​പോ​ലെ​ ​നേ​രി​ടു​ക​യെ​ന്ന​ ​കാ​ഴ്ച​പ്പാ​ട​ല്ല​ ,​ ​അ​തി​നോ​ട് ​അ​ഡ്ജ​സ്റ്റ് ​ചെ​യ്ത് ​പോ​വു​ക​യെ​ന്ന​ ​സ​മീ​പ​ന​മാ​ണു​ള്ള​ത്.​ ​പ്ര​ത്യേ​കി​ച്ച് ​പൊ​ന്ന​മ്മാ​വ​ൻ​,​ ​ശ്രീ​ ​ചി​ത്തി​ര​ ​തി​രു​നാ​ൾ​ ​മ​ഹാ​രാ​ജാ​വ് ​തി​രു​മ​ന​സ് ​പ​ദ് ​മ​നാ​ഭ​ ​പാ​ദ​ത്തി​ലേ​ക്ക് ​പോ​യ​താ​ണ് ​ഏ​റ്റ​വും​ ​ത​ക​ർ​ന്നു​പോ​യ​ ​അ​നു​ഭ​വം.​തി​ക​ച്ചും​ ​അ​പ്ര​തീ​ക്ഷി​ത​മാ​യൊ​രു​ ​കാ​റ​പ​ക​ട​ത്തി​ൽ​ ​എ​ന്റെ​ ​ഭ​ർ​ത്താ​വ് ​പോ​യ​തും​ ​അ​തു​പോ​ലെ​യൊ​രു​ ​അ​നു​ഭ​വ​മാ​യി​രു​ന്നു.​എ​ന്റെ​ ​അ​ച്ഛ​നാ​ണെ​ങ്കി​ൽ​ ​വി​മാ​നാ​പ​ക​ട​ത്തി​ലാ​ണ് ​പോ​യ​ത്.​അ​വ​രി​രു​വ​രും​ ​കി​ട​ന്നി​ല്ല.​അ​മ്മാ​വ​ൻ​ ​അ​ങ്ങ​നെ​യ​ല്ല.​അ​മ്മാ​വ​ൻ​ ​സു​ഖ​മി​ല്ലാ​തി​രി​ക്കു​ക​യാ​യി​രു​ന്നു.​അ​വ​സാ​ന​ത്തെ​ ​ഒ​രാ​ഴ്ച​ ​ക്രി​ട്ടി​ക്ക​ലാ​യി​ട്ട് ​ആ​ശു​പ​ത്രി​യി​ൽ​ ​കി​ട​ന്ന​പ്പോ​ൾ​ ​വേ​ദ​നാ​ജ​ന​ക​മാ​യ​ ​അ​നു​ഭ​വ​മാ​യി​രു​ന്നു.
പൊ​ന്ന​മ്മാ​വ​ൻ​ ​എ​ന്ന​ ​ക​വി​ത​ ​അ​വി​ടെ​യി​രു​ന്ന് ​എ​ന്റെ​ ​മ​ടി​യി​ൽ​ ​വ​ച്ചാ​ണ് ​ഞാ​നെ​ഴു​തി​യ​ത്.​കാ​ല​ത്തി​ന്റെ​ ​അ​നാ​ഥ​ക​ളാ​ക്കി​ ​ഞ​ങ്ങ​ളെ​ ​വി​ട്ടു​പോ​ക​രു​തെ​ ​എ​ന്നാ​യി​രു​ന്നു​ ​ആ​ ​ഇം​ഗ്ളീ​ഷ് ​ക​വി​ത​യി​ലെ​ ​അ​പേ​ക്ഷ.​ഭ​ഗ​വാ​ന്റെ​യ​ടു​ത്ത​ല്ല​ ​അ​മ്മാ​വ​നോ​ടു​ ​ത​ന്ന​യാ​ണ് ​കാ​വ്യ​ ​പ്രാ​ർ​ത്ഥ​ന​യി​ലൂ​ടെ​ ​അ​പേ​ക്ഷി​ച്ച​ത്.​അ​മ്മാ​വ​ന് ​ഇ​ച്ഛാ​മ​‌ൃ​ത്യു​ ​ആ​ണെ​ന്ന് ​പ​റ​ഞ്ഞു​കേ​ട്ടി​രു​ന്നു.​അ​മ്മാ​വ​ന് ​പോ​ക​ണ​മെ​ന്നു​ ​തോ​ന്നു​മ്പോ​ൾ​ ​പോ​കും​ ​പി​ന്നെ​ ​പി​ടി​ച്ചു​നി​ർ​ത്താ​ൻ​ ​പ​റ്റി​ല്ല.​കു​ടും​ബ​ത്തെ​ ​സം​ബ​ന്ധി​ച്ചി​ട​ത്തോ​ളം​ ​കു​ടും​ബ​ത്തി​ലെ​ ​ഏ​റ്റ​വും​ ​വ​ലി​യ​ ​ക​ള​ക്ടീ​വ് ​ലോ​സ് ​അ​മ്മാ​വ​ന്റെ​ ​മ​ര​ണ​മാ​യി​രു​ന്നു.​അ​മ്മാ​വ​ൻ​ ​അ​ത്ര​യും​ ​സ്പെ​ഷ്യ​ൽ​ ​ആ​യി​രു​ന്നു.​ആ​ ​വേ​ർ​പാ​ട് ​താ​ങ്ങാ​വു​ന്ന​തി​ലും​ ​ അ​പ്പു​റ​മാ​യി​രു​ന്നു.​ത​ക​ർ​ന്നു​പോ​കു​ന്ന​ ​ഒ​രു​ ​സ്ഥി​തി​യാ​യി​രു​ന്നു.​ചി​ന്തി​ക്കാ​ൻ​ ​പാ​ടി​ല്ലാ​ത്ത​ ​ചി​ന്ത​ക​ളും​ ​മ​ന​സി​ൽ​ ​വ​ന്നു.​അ​പ്പോ​ൾ​ ​ഇ​ങ്ങ​നെ​യൊ​ക്കെ​യാ​ണോ​ ​മു​മ്പോ​ട്ടു​പോ​കേ​ണ്ട​തെ​ന്ന് ​അ​മ്മാ​വ​ൻ​ ​ചോ​ദി​ക്കു​ന്ന​താ​യി​ ​അ​നു​ഭ​വ​പ്പെ​ട്ടി​ട്ടു​ണ്ട്.​ ​ആ​ ​ഒ​രു​ ​കൊ​ല്ല​ത്തി​ന​കം,​എ​ന്റെ​ ​പ​ന്ത്ര​ണ്ട് ​ക​വി​ത​ക​ള​ട​ങ്ങു​ന്ന​ ​തി​രു​മു​ൽ​ക്കാ​ഴ്ച​യെ​ന്ന​ ​ഇം​ഗ്ളി​ഷ് ​ക​വി​താ​ ​പു​സ്ത​കം​ ​എ​ഴു​തി​ത്തീ​ർ​ത്തു​ .​അ​മ്മാ​വ​ന്റെ​ ​വേ​ർ​പാ​ടി​ൽ​ ​എ​ന്റെ​ ​മാ​ന​സി​ക​ ​നി​ല​നി​ൽ​പ്പി​നും​ ​മു​ഴു​വ​ൻ​ ​ത​ക​ർ​ച്ച​യ്ക്കും​ ​ന​ടു​വി​ൽ​ ​നി​ന്നെ​ഴു​തി​യ​താ​ണ് ​ഈ​ ​പ​ന്ത്ര​ണ്ട് ​ക​വി​ത​ക​ൾ.

കൂട്ടായ് കവി​ത
ഉ​ള്ളി​ൽ​ ​ഒ​രു​ ​ക​വി​യു​ണ്ടെ​ന്ന് ​നേ​രത്തെ​ ​തി​രി​ച്ച​റി​ഞ്ഞി​ട്ടു​ണ്ട്.​കു​ട്ടി​ക്കാ​ല​ത്ത് ​പ​ത്തോ​ ​പ​തി​നൊ​ന്നോ​ ​വ​യ​സു​ള്ള​പ്പോ​ൾ​ ​ഞാ​നെ​ഴു​തി​യി​ട്ടു​ണ്ട്.​ജീ​വി​ത​ ​വീ​ക്ഷ​ണ​ത്തോ​ടൊ​പ്പം​ ​ആ​ത്മാ​വി​ന്റെ​ ​ചി​ന്ത​ക​ളും​ ​ക​വി​ത​യി​ൽ​ ​ഉ​ണ്ടാ​കാം.​ ​മൂ​ന്ന് ​ക​വി​താ​ ​സ​മാ​ഹാ​ര​ങ്ങ​ളു​ണ്ട്.​തി​രു​മു​ൽ​ക്കാ​ഴ്ച,​ദി​ ​ഡാ​ൺ,​ ​ആ​ൻ​ ​അ​മ​ച്വേ​ഴ്സ് ​അ​റ്റം​പ്റ്റ് ​ടു​ ​പോ​യ​ട്രി​ ​എ​ന്നി​വ​യാ​ണ​വ.
ഞാ​ൻ​ ​ര​ണ്ടു​ ​മൂ​ന്നു​ ​വ​ലി​യ​ ​പു​സ്ത​കം​ ​എ​ഴു​തി​യി​ട്ടു​ണ്ട്.​ഒ​ന്ന് ​പ​ദ് ​മ​നാ​ഭ​സ്വാ​മി​ ​ടെ​മ്പി​ൾ,​ ​ര​ണ്ട് ​ഗ്ളിം​പ്സ​സ് ​ഓ​ഫ് ​കേ​ര​ള​ ​ക​ൾ​ച്ച​ർ.​ഹി​സ്റ്റ​റി​ ​ലി​ബ​റേ​റ്റ​ഡാ​ണ് ​അ​തി​ൽ​ ​ഏ​റ്റ​വും​ ​വ​ലു​ത്.​ഇ​നി​യൊ​രു​ ​വ​ലി​യ​ ​ബു​ക്കി​നു​വേ​ണ്ടി​ ​വ​ർ​ക്ക് ​ചെ​യ്യാ​നു​ള്ളൊ​രു​ ​ത്രാ​ണി​യെ​നി​ക്കി​ല്ല.​ഒ​രു​ ​ബു​ക്ക് ​എ​ടു​ത്തി​ട്ടു​ണ്ട്.​അ​ത് ​പ​ക്ഷേ​ ​അ​ങ്ങോ​ട്ടു​ ​മു​ന്നോ​ട്ടു​ ​പോ​യി​ട്ടി​ല്ല.​ടൈ​റ്റി​ൽ​ ​ന​ല്ല​താ​ണ്.​ദ​ ​പാ​ച്ച് ​വ​‌​ർ​ക്ക് ​ക്വി​ൽ​റ്റ് .​ഇം​ഗ്ള​ണ്ടി​ൽ​ ​തു​ണി​ക്ക​ഷ​ണം​ ​ബാ​ക്കി​വ​രു​ന്ന​ത് ​തു​ന്നി​ ​ഒ​രു​ ​പു​ത​പ്പാ​ക്കും.​പ​ല​ ​പ​ല​ ​സം​ഭ​വ​ങ്ങ​ൾ​ ​ചേ​ർ​ത്ത് ​എ​ഴു​തു​ന്ന​ ​ബു​ക്കാ​കും അത്.

( വി.എസ് രാജേഷിനോട് പറഞ്ഞത്)

പൂയം തിരുനാളിനൊപ്പം

കേരളം വിട്ടുപോകുന്നവർ തിരിച്ചുവരണം

ഗ്ളിം​പ്സ​സ് ​ഓ​ഫ് ​കേ​ര​ള​ ​ക​ൾ​ച്ച​ർ​ ​എ​ഴു​തി​യ​ല്ലോ.​കൊ​ട്ടാ​ര​ത്തി​ലി​രു​ന്ന് കേ​ര​ള​ത്തെ​ ​നോ​ക്കു​മ്പോ​ൾ​ ​എ​ന്താ​ണ് ​തോ​ന്നു​ന്ന​ത്?
അ​ത് ​ഞാ​ൻ​ ​പ​റ​യു​ന്നി​ല്ല.
സ​ന്തോ​ഷ​ക​ര​മാ​യ​ ​കാ​ര്യ​ങ്ങ​ളാ​ണോ?
അ​ല്ല.
വേ​ദ​നി​പ്പി​ക്കു​ന്ന​ ​ഒ​രു​പാ​ട് ​കാ​ര്യ​ങ്ങ​ളു​ണ്ടോ?
ഒ​രു​പാ​ട്.
​മ​ല​യാ​ളി​ക​ളു​ടെ​ ​സ്വ​ഭാ​വം​ ​മാ​റി​യോ?
എ​ല്ലാ​വ​രു​ടെ​യും​ ​സ്വ​ഭാ​വം​ ​മാ​റു​ക​യ​ല്ലേ? ഈ​ ​രീ​തി​യി​ൽ​ ​പോ​വു​ക​യാ​ണെ​ങ്കി​ൽ​ ​(​ഞാ​ൻ​ ​പ​റ​യു​ന്ന​ത് ​തെ​റ്റാ​യി​രി​ക്ക​ണേ​ ​പ​ദ് ​മ​നാ​ഭ​യെ​ന്നു​ ​പ്രാ​ർ​ത്ഥി​ക്കു​ന്നു​)​ ​ഈ​ ​മ​ല​യാ​ള​ ​നാ​ട് .​പ്രാ​യ​മാ​യ​വ​രു​ടെ​ ​മാ​ത്രം​ ​വാ​സ​സ്ഥാ​ന​മാ​യി​ ​മാ​റും.​എ​ന്തു​കൊ​ണ്ടെ​ന്നാ​ൽ​ ​എ​ല്ലാ​ ​കു​ടും​ബ​ത്തി​ൽ​ ​നി​ന്നും​ ​വി​ദേ​ശ​രാ​ജ്യ​ങ്ങ​ളി​ലേ​ക്ക് ​ചേ​ക്കേ​റാ​ൻ​ ​കു​ട്ടി​ക​ൾ​ ​ഡി​ഗ്രി​ക​ഴി​യാ​ൻ​ ​നി​ൽ​ക്കു​ക​യാ​ണ് ​അ​വ​ർ​ക്കാ​ർ​ക്കും​ ​ഇ​വി​ടെ​യി​രി​ക്കേ​ണ്ട.​പാ​വ​പ്പെ​ട്ട​വ​രു​ടെ​ ​കു​ട്ടി​ക​ളും​ ​പോ​കു​ന്നു.​പാ​ങ്ങി​ല്ലെ​ങ്കി​ലും​ ​അ​വ​രു​ടെ​ ​മാ​താ​പി​താ​ക്ക​ൾ​ ​ക​ട​മെ​ടു​ത്തോ​ ​വി​റ്റോ​ ​അ​യ​ച്ചേ​ ​പ​റ്റു.​അ​യ​ച്ചി​ല്ലെ​ങ്കി​ൽ​ ​ഡി​പ്ര​ഷ​നാ​യി,​ ​ചി​ല​പ്പോ​ൾ​ ​ആ​ത്മ​ഹ​ത്യ​യി​ലേ​ക്കും​ ​ന​യി​ക്കും.​ഡ​യ​മ​ണ്ട് ​ബെ​ൽ​റ്റ് ,​മെ​ഴ്സി​ഡ​സ് ​കാ​ർ​ ​എ​ന്നൊ​ക്കെ​ ​പ​ണ്ടു​പ​റ​യു​ന്ന​തു​പോ​ലെ​ ​വി​ദേ​ശ​ത്തു​ ​പ​ഠി​ക്കു​ന്ന​തും​ ​തൊ​ഴി​ൽ​ ​ചെ​യ്യു​ന്ന​തും​ ​സ്റ്റാ​റ്റ​സ് ​സിം​ബ​ലാ​യി​ ​മാ​റി​യി​രി​ക്കു​ന്നു
​കേ​ര​ളം​ ​ഏ​തു​രീ​തി​യി​ൽ​ ​മാ​റി​ ​വ​ര​ണ​മെ​ന്നാ​ണ് ആ​ഗ്ര​ഹി​ക്കു​ന്ന​ത്?
കേ​ര​ള​ത്തി​ൽ​ ,​ ​ഭാ​ര​ത​ത്തി​ൽ​ത്ത​ന്നെ​ ​ഒ​രു​പാ​ട് ​അ​വ​സ​ര​ങ്ങ​ൾ​ ​ഉ​ണ്ട​ല്ലോ.​പോ​വു​ക​യാ​ണെ​ങ്കി​ലും​ ​അ​വ​ർ​ ​തി​രി​ച്ചു​വ​ര​ണ​മെ​ന്നാ​ണ് ​ഞാ​ൻ​ ​പ​റ​യു​ന്ന​ത്.​ന​മ്മ​ൾ​ക്കെ​ല്ലാം​ ​ത​ന്ന​ത് ​ഈ​ ​നാ​ടാ​ണ്.​ ​ജ​ല​വും​ ​മ​ണ്ണും​ ​വാ​യു​വും​ ​എ​ന്തെ​ല്ലാം,​കേ​ര​ളം​ ​ന​മ്മ​ൾ​ക്കു​ത​ന്നു.​എ​ന്തെ​ങ്കി​ലും​ ​തി​രി​ച്ചു​കൊ​ടു​ക്ക​ണ്ടെ.​വ​ലി​യ​ ​ശ​മ്പ​ള​വും​ ​വാ​ങ്ങി​ ​എ​ല്ലാ​ ​മു​റി​യി​ലും​ ​എ​യ​ർ​ക​ണ്ടീ​ഷ​ണ​റും​ ​വ​ച്ച് ​കാ​‌​ർ​പ്പെ​റ്റു​മി​ട്ട് ,​രൂ​പ​കൊ​ണ്ട് ​വാ​ങ്ങി​ക്കാ​വു​ന്ന​ ​ഏ​റ്റ​വും​ ​കൂ​ടു​ത​ൽ​ ​സാ​ധ​ന​ങ്ങ​ളും​ ​വാ​ങ്ങി​ച്ച് ​അ​വി​ടെ​ ​ജീ​വി​ച്ചാ​ൽ​ ​മ​തി​യോ.
​ജീ​വി​ത​ത്തി​ൽ​ ​ഏ​റ്റ​വും​ ​സ​ന്തോ​ഷി​ക്കു​ന്ന​തെ​ന്തി​ലാ​ണ്?
ന​ന്മ​ ​വി​ജ​യി​ക്കു​ന്ന​ത് ​കാ​ണു​മ്പോ​ൾ.​ന​ന്മ​ക​ൾ​ ​ചെ​യ്യു​ന്ന​ത് ​കേ​ൾ​ക്കു​മ്പോ​ഴും.
​ക​വ​ടി​യാ​ർ​ ​കൊ​ട്ടാ​രം​ ​വി​ശാ​ല​മാ​യ​ ​ലോ​ക​മാ​ണ്.അ​വി​ടെ​ ​ഏ​കാ​ന്ത​ത​യെ​ ​തി​ര​യാ​റു​ണ്ടോ?
വ​ള​രെ.​കു​ട്ടി​ക്കാ​ലം​ ​മു​ത​ൽ​ക്കെ​ ​എ​നി​ക്ക് ​ഏ​കാ​ന്ത​ത​ ​ഇ​ഷ്ട​മാ​ണ്.​അ​തി​ല്ലാ​തെ​ ​പ​റ്റു​ക​യു​മി​ല്ല.​ഇ​പ്പോ​ഴ​ത് ​വ​ള​രെ​ ​വ​ള​രെ​ ​മു​ഖ്യ​മാ​ണ്.

ല​ളി​ത​മാ​യ​ ​വ​സ്ത്ര​ധാ​ര​ണം.​ ​ആ​ഡം​ബ​ര​മി​ല്ല?
അ​മ്മാ​വ​നെ​ക്ക​ണ്ട​ല്ലേ​ ​വ​ള​ർ​ന്ന​ത്.​പൊ​ന്ന​മ്മാ​വ​നെ​പ്പോ​ലെ​ ​വി​ന​യാ​ന്വി​ത​നാ​യ​ ​ഒ​രാ​ളു​ണ്ടോ?
​പ​ദ്മ​നാ​ഭ​സ്വാ​മി​ ​ക്ഷേ​ത്ര​ത്തി​ലെ​ ​നി​ധി​ശേ​ഖ​രം​ ​കാ​ണാൻ ആ​ഗ്ര​ഹ​മു​ണ്ടോ​?​ക​ണ്ടി​രു​ന്നോ?
ഞാ​ൻ​ ​ഇ​തു​വ​രെ​ ​ക​ണ്ടി​ട്ടി​ല്ല.​കാ​ണാ​നാ​യി​ ​എ​ന്നെ​ ​ക്ഷ​ണി​ച്ചി​രു​ന്നു.​അ​ന്നീ​ ​കേ​സ് ​ന​ട​ക്കു​ന്ന​ ​കാ​ല​മാ​ണ്.​ ​വ​ന്നാ​ൽ​ ​ശ​രി​യാ​കു​മെ​ന്നു​ ​തോ​ന്നു​ന്നി​ല്ലെ​ന്നു​ ​ഞാ​ൻ​ ​പ​റ​ഞ്ഞു.​കാ​ണ​ണ​മെ​ന്നു​ ​ആ​ഗ്ര​ഹ​മു​ണ്ടെ​ങ്കി​ലും​ ​ഞാ​ൻ​ ​പോ​യി​ല്ല.​കേ​സു​തീ​രു​ന്ന​തു​വ​രെ​ ​എ​ന്തെ​ങ്കി​ലും​ ​ഒ​ന്നു​ ​കാ​ണാ​നി​ല്ലാ​തെ​യാ​യാ​ൽ​ ​അ​ത് ​എ​ന്റെ​ ​ത​ല​യി​ൽ​ ​വ​ര​ല്ല​ല്ലോ.​അ​തു​കൊ​ണ്ട് ​പോ​യി​ല്ല.
പേ​ര​ക്കു​ട്ടി​കൾ
ഏ​റ്റ​വും​ ​വ​ലി​യ​ ​സ​മ്പാ​ദ്യം​ ​ഈ​ ​മൂ​ന്നു​കു​ട്ടി​ക​ളാ​ണ്.​ആ​ദി​ത്യ​വർമ്മയ്ക്ക് ​ര​ണ്ട് ​കു​ട്ടി​ക​ളു​ണ്ട്.​ഗൗ​രി​യും​ ​പ്ര​ഭ​യും​ ​ഇ​ര​ട്ട​ക​ളാ​ണ്. എ​ന്റെ​ ​മൂ​ത്ത​മ​ക​ൻ​ ​മാ​ർ​ത്താ​ണ്ഡ​വ​ർ​മ്മ​യു​ടെ​ ​മ​ക​നു​മു​ണ്ട്.​ ​രാ​മ​വ​ർ​മ്മ​യെ​ന്നാ​ണ് ​പേ​ര്.​വി​ഷ്ണു​വെ​ന്നു​ ​വി​ളി​ക്കു​ന്നു.​ന​ർ​ത്ത​കി​ ​ഗോ​പി​ക​വ​ർ​മ്മ​ ​അ​വ​ന്റെ​ ​അ​മ്മ​യാ​ണ്.

​ഏ​ട്ട​ത്തി?
പൂ​യം​ ​തി​രു​നാ​ൾ.​ഞ​ങ്ങ​ൾ​ ​ഒ​രു​മി​ച്ചാ​ണ​ല്ലോ​ ​വ​ള​ർ​ന്ന​ത്.​പി​ന്നെ​ ​ഞ​ങ്ങ​ൾ​ക്ക് ​അ​നു​ജ​നു​മു​ണ്ട്.​അ​നു​ജ​ൻ​ ​കു​റെ​ക്കൂ​ടി​ ​കൊ​ച്ച​ന​ല്ലേ.​എ​നി​ക്ക് ​വ​ലി​യൊ​രു​ ​ശ​ക്തി​യും​ ​ബ​ല​വു​മാ​ണ് ​അ​ക്ക.​അ​ക്ക​യി​ല്ലാ​ത്ത​ ​ഒ​രു​ ​സൂ​ര്യോ​ദ​യ​വും​ ​എ​നി​ക്കു​ ​കാ​ണേ​ണ്ട​യെ​ന്നു​ ​ഞാ​ൻ​ ​മ​ന​സി​ൽ​ ​വി​ചാ​രി​ക്കും.

പ്രിയ കൂട്ടുകാരി

എ​ന്റെ​ ​ഏ​റ്റ​വും​ ​പ്രി​യ​പ്പെ​ട്ട​ ​കൂ​ട്ടു​കാ​രി​യാ​ണ് ​രാ​ധാ​ ​നാ​യ​ർ.​എ​ന്റെ​ ​ഏ​റ്റ​വും​ ​ഡീ​യ​റ​സ്റ്റ് ​ഫ്ര​ണ്ടാ​ണ്.​തി​രു​വ​ന​ന്ത​പു​ര​ത്തു​ണ്ട്.​ഇ​ന്ത്യ​ൻ​ ​ന​യ​ത​ന്ത്ര​ജ്ഞ​നാ​യി​രു​ന്ന​ പരേതനായ ​ശ​ങ്ക​ര​പ്പി​ള്ള​യു​ടെ​ ​മ​ക​ൾ.​ഞ​ങ്ങ​ൾ​ ​ത​മ്മി​ൽ​ ​പ​ങ്കു​വ​യ്ക്കാ​ത്ത​ ​ഒ​രു​ ​കാ​ര്യ​വു​മി​ല്ല.​ ​അ​ന്നു​മി​ന്നു​ ​പ​ര​സ്പ​രം​ ​വി​ശ്വ​സി​ക്കു​ന്ന​ ​സു​ഹൃ​ത്തു​ക്ക​ളാ​ണ് .1961​ ​ലാ​ണെ​ന്നു​ ​തോ​ന്നു​ന്നു.​വി​മ​ൻ​സി​ൽ​ ​ഞാ​ൻ​ ​പ്രീ​ ​യൂ​ണി​വേ​ഴ്സി​റ്റി​ ​പ​ഠി​ക്കു​മ്പോ​ൾ​, ​കാ​ന​ഡ​യി​ൽ​ ​നി​ന്നും​ ​അ​ച്ഛ​ന്റെ​ ​അ​പ്ര​തീ​ക്ഷി​ത​ ​മ​ര​ണ​ത്തെ​ ​തു​ട​ർ​ന്ന് ​രാ​ധ​ ​അ​വി​ടെ​ ​വ​ന്നു​ ​ജോ​യി​ൻ​ ​ചെ​യ്തു.​ഞ​ങ്ങ​ൾ​ ​പ​രി​ച​യ​പ്പെ​ട്ടു.​എ​ത്ര​യോ​ ​കാ​ല​മാ​യി​ ​ഞ​ങ്ങ​ൾ​ ​ഒ​രു​മി​ച്ച് ​ചി​രി​ച്ചി​ട്ടു​ണ്ട്.​ഒ​രു​മി​ച്ച് ​ക​ര​ഞ്ഞി​ട്ടു​ണ്ട്.​പ​ര​സ്പ​രം​ ​സ​മാ​ധാ​ന​പ്പെ​ടു​ത്തി​യി​ട്ടു​ണ്ട്.​എ​ല്ലാ​ ​സു​ഖ​ദുഃഖ​ത്തി​ലും​ ​പ​ര​സ്പ​രം​ ​പ​ങ്കാ​ളി​ക​ളാ​യി​ട്ടു​ണ്ട്.​ഇ​പ്പോ​ഴും​ ​അ​ങ്ങ​നെ​ത​ന്നെ.​അ​ശ്വ​തി​ ​തി​രു​നാ​ൾ​ ​പ​റ​ഞ്ഞു.
'​ ​എ​ന്റെ​പ​തി​ന​ഞ്ച് ​വ​യ​സി​ൽ​ ​തു​ട​ങ്ങി​ ​ഇ​ന്നും​ ​ശ​ക്ത​മാ​യി​ ​മു​ന്നോ​ട്ടു​പോ​കു​ന്ന​ ​വ​ള​രെ​ ​സ്പെ​ഷ്യ​ലാ​യ​ ​സൗ​ഹൃ​ദ​മാ​ണ​ത് ​ "​ ​രാ​ധാ​ ​നാ​യ​ർ​ ​പ​റ​ഞ്ഞു.​ എ​ന്നെ​ ​പ​രി​ച​യ​പ്പെ​ട്ട​പ്പോ​ൾ ല​ക്ഷ്മി​ബാ​യ് ​എ​ന്നാ​ണ് ​പേ​ര് ​പ​റ​ഞ്ഞ​ത്.​ ഞാ​ൻ​ ​ല​ക്ഷ്മി​യെ​ന്നു​ ​വ​ളി​ച്ചു.​പി​ന്നെ​യാ​ണ് ​ക​വ​ടി​യാ​ർ​ ​കൊ​ട്ടാ​ര​ത്തി​ലേ​താ​ണെ​ന്നൊ​ക്കെ​ ​അ​റി​യു​ന്ന​ത്.​ ​ലാ​ളി​ത്യ​വും​ ​അ​നു​ക​മ്പ​യു​മാ​ണ് ​ല​ക്ഷ്മി​യു​ടെ​ ​പ്ര​ത്യേ​ക​ത.​ ​വ​ലി​പ്പ​ചെ​റു​പ്പ​മി​ല്ലാ​തെ​ ​പെ​രു​മാ​റും.​മ​ന്ത്രി​യാ​യാ​ലും​ ​തൂ​പ്പു​ജോ​ലി​ ​ചെ​യ്യു​ന്ന​വ​രാ​യാ​ലും​ ​എ​ഴു​ന്നേ​റ്റു​ ​നി​ന്നേ​ ​സ്വീ​ക​രി​ക്കു​ക​യു​ള്ളു.​-​രാ​ധാ​ ​നാ​യ​ർ​ ​പ​റ​യു​ന്നു.