തിരുവനന്തപുരം : വിവാഹാഭ്യർത്ഥന നിരസിച്ചതിന് യുവതിയുടെ വീടിന് മുന്നിലെത്തി യുവാവ് തീകൊളുത്തി ആത്മഹത്യക്ക് ശ്രമിച്ചു. തൃശൂർ സ്വദേശി ശ്യാംപ്രകാശാണ് (32)​ ആത്മഹത്യക്ക് ശ്രമിച്ചത്. തിരുവനന്തപുരം മലമുകളിലാണ് സംഭവം. ഗുരുതരമായി പൊള്ളലേറ്റ ശ്യാംപ്രകാശിനെ തിരുവനന്തപുരം മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു.

മലമുകൾ സ്വദേശിയായ യുവതിയുമായി ഇയാൾ പ്രണയത്തിലായിരുന്നു,​. വിവാഹാലോചന യുവതി നിരസിച്ചതിന്റെ പേരിലാണ് ആത്മഹത്യാ ശ്രമമെന്ന് പൊലീസ് വിശദീകരിച്ചു,​. യുവാവ് വിവാഹിതനാണെന്നാണ് പൊലീസിൽ നിന്ന് ലഭിക്കുന്ന വിവരം.