ഋഷഭ് ഷെട്ടി ചിത്രം കാന്താരയെ പുകഴ്ത്തി തെന്നിന്ത്യൻ സൂപ്പർ താരം രജനികാന്ത്. സിനിമ കണ്ടപ്പോൾ തനിക്ക് രോമാഞ്ചം വന്നുവെന്നും എഴുത്തുകാരനും സംവിധായകനും നടനുമായ ഋഷഭ് ഷെട്ടിക്കും നിർമാണ കമ്പനിയായ ഹോംബാലെ ഫിലിംസിനും അഭിനന്ദനം അറിയിച്ചു താരം ട്വിറ്റ് ചെയ്തു. ഇന്ത്യൻ സിനിമയിൽ ഇങ്ങനെയൊരു മാസ്റ്റർ പീസ് തന്നതിന് സിനിമയുടെ അണിയറ പ്രവർത്തകർക്കും മറ്റ് അഭിനേതാക്കൾക്കും അദ്ദേഹം ആശംസകൾ അറിയിച്ചു.

“The unknown is more than the known” no one could have said this better in cinema than @hombalefilms #KantaraMovie you gave me goosebumps @shetty_rishab Rishab hats off to you as a writer,director and actor.Congrats to the whole cast and crew of this masterpiece in indian cinema

— Rajinikanth (@rajinikanth) October 26, 2022

സെപ്റ്റംബർ 30 നാണ് കാന്താര തിയേറ്ററുകളിൽ എത്തിയത് . കന്ന‌ഡയെ കൂടാതെ ഹിന്ദി,​തമിഴ്,​തെലുങ്ക്,​ മലയാളം എന്നി ഭാഷകളിലും ചിത്രം പ്രദർശത്തിനെത്തിയിരുന്നു,​ 19-ാം നൂറ്റാണ്ട് പശ്ചാത്തലമാക്കുന്ന ചിത്രം മിത്തിനും പ്രാധാന്യം നൽകിരിക്കുന്നു. ചിത്രത്തിൽ സപ്തമി ഗൗഡ, കിഷോർ,അച്യുത് കുമാർ, പ്രമോദ് ഷെട്ടി, ഷനിൽ ഗുരു, പ്രകാശ് തുമിനാട്, മാനസി സുധീർ, നവീൻ ഡി പടീൽ, സ്വരാജ് ഷെട്ടി ,ദീപക് റായ് പനാജ്, പ്രദീപ് ഷെട്ടി, രക്ഷിൽ രാമചന്ദ്രൻ ഷെട്ടി, പുഷ്പരാജ ബൊല്ലാറ എന്നിവരാണ് മറ്റു കഥാപത്രങ്ങളെ അവതരിപ്പിക്കുന്നത്.