ഉണ്ണി മുകുന്ദൻ കേന്ദ്ര കഥാപാത്രമായി എത്തുന്ന ചിത്രമാണ് 'മാളികപ്പുറം'. പ്രശസ്ത സംവിധായകൻ ശശി ശങ്കറിന്റെ മകൻ വിഷ്ണു ശശി ശങ്കറാണ് ചിത്രം സംവിധാനം ചെയ്യുന്നത്. പേര് കൊണ്ട് തന്നെ ഏറെ ശ്രദ്ധനേടിയ ചിത്രത്തിന്റെ പുതിയ പോസ്റ്റർ തന്റെ ഫേസ്ബുക്ക് പേജിൽ പങ്കുവച്ചിരിക്കുകയാണ് ഉണ്ണിമുകുന്ദൻ. തീജ്വാലയ്ക്ക് അഭിമുഖമായി നിൽക്കുന്ന ഉണ്ണിമുകുന്ദനാണ് പോസ്റ്ററിലുള്ളത്. ഇതിനോടകം പോസ്‌റ്റർ വെെറലായി കഴിഞ്ഞു.
കഴിഞ്ഞ മാസമാണ് ചിത്രത്തിന്റെ പ്രഖ്യാപനം നടന്നത്. കലിയുഗവരദനായ അയ്യപ്പനെ കുറിച്ചുള്ള ചിത്രമാണിത്. ചിത്രത്തിന്റെ ഷൂട്ടിംഗ് പുരോഗമിക്കുകയാണ്. എരുമേലി ശ്രീധർമ്മ ശാസ്താ ക്ഷേത്രത്തിലായിരുന്നു സിനിമയുടെ പുജ നടന്നത്. ചിത്രത്തിന്റെ സെറ്റിൽ പന്തളം രാജകുടുംബാംഗങ്ങൾ എത്തിയത് വലിയ വാർത്തയായിരുന്നു. അഭിലാഷ് പിള്ളയാണ് തിരക്കഥ എഴുതുന്നത്. ഉണ്ണിമുകുന്ദനൊപ്പം ശ്രീപഥ്,ദേവനന്ദ എന്നീ ബാലതാരങ്ങളും പ്രധാന കഥാപാത്രങ്ങളെ അവതരിപ്പിക്കുന്നു. സെെജു കുറുപ്പ്, ഇന്ദ്രൻസ്,മനോജ് കെ ജയൻ,രമേശ് പിഷാരടി, സമ്പത്ത് റാം എന്നിവരും മറ്റു പ്രധാന കഥാപാത്രങ്ങളെ അവതരിപ്പിക്കുന്നു. 'തത്വമസി' എന്ന അടിക്കുറിപ്പോടെയാണ് ചിത്രത്തിന്റെ പോസ്റ്റർ പങ്കുവച്ചിരിക്കുന്നത്