ന്യൂയോർക്ക് ലോങ് ഐലൻഡ് അന്താരാഷ്ട്ര ചലച്ചിത്രോത്സവത്തിൽ ശ്രീവല്ലഭൻ സംവിധാനം ചെയ്ത ധരണി എന്ന ചിത്രത്തിന് മൂന്നു പുരസ്കാരങ്ങൾ. മികച്ച അന്താരാഷ്ട്ര ചിത്രം, മികച്ച ഛായാഗ്രഹണം(ജിജു സണ്ണി), മികച്ച രണ്ടാമത്തെ നടൻ( എം. ആർ .ഗോപകുമാർ )എന്നിങ്ങനെയാണ് പുരസ്കാരങ്ങൾ.രതീഷ് രവി , പ്രൊഫ: അലിയാർ , ശ്രീകുമാർ പള്ളിപ്പുറം തുടങ്ങിയവരാണ് മറ്റ് അഭിനേതാക്കൾ.ശ്യാമം, പകരം , പച്ച എന്നീ ചിത്രങ്ങൾക്ക് ശേഷം ശ്രീവല്ലഭൻ സംവിധാനം ചെയ്ത ധരണി ലോകമെമ്പാടും ഉള്ള ചലച്ചിത്ര മേളകളിൽ നിന്ന് ഒട്ടനവധി അവാർഡുകൾ നേടി.ലണ്ടൻ ഫിലിം ഫെസ്റ്റിവലിൽ മികച്ച ഫീച്ചർ ഫിലിം , ഛായാഗ്രഹണം, സംവിധാനം, ഓഡിയോഗ്രഫി എന്നിവയ്ക്ക് പുരസ്കാരങ്ങൾ ലഭിച്ചു. ധരണിയിലെ ശബ്ദ മിശ്രണത്തിന് എം. ആർ. രാജാകൃഷ്ണന് ജെ. സി ഡാനിയേൽ പുരസ്‌കാരവും രതീഷ് രവിക്കും , ചിത്രത്തിനും കേരള ഫിലിം ക്രിട്ടിക്സ് അവാർഡ് ജൂറി പ്രത്യേക അവാർഡും ലഭിച്ചു. പാരലാക്സ് ഫിലിം ഹൗസിന്റെ ബാനറിലാണ് നിർമാണം. സംഗീതം -രമേശ് നാരായണൻ .