തിരുവനന്തപുരം: കെ,​എസ്,​.യു സംസ്ഥാന പ്രസിഡന്റായി അലോഷ്യസ് സേവ്യറിനെ തിരഞ്ഞെടുത്തു. നിലവിൽ എറണാകുളം ജില്ലാ പ്രസിഡന്റാണ്. മുഹമ്മദ് ഷമ്മാസ്,​ ആൻ സെബാസ്റ്റ്യൻ എന്നിവരെ വൈസ് പ്രസിഡന്റുമാരായും തിരഞ്ഞെടുത്തിട്ടുണ്ട്. .എം. അഭിജിത്ത് രാജി പ്രഖ്യാപിച്ചതിനെ തുടർന്നാണ് പുതിയ പ്രസിഡന്റിനെ തിരഞ്ഞെടുക്കേണ്ടി വന്നത്. സ്ഥാനമൊഴിഞ്ഞ അഭിജിത്തിനെ എൻ.എസ്,​യു ദേശീയ ജനറൽ സെക്രട്ടറിയായി നിയമിച്ചു.

എ.ഐ.സി.സി അദ്ധ്യക്ഷൻ മല്ലികാർജുൻ ഖാർഗെയുടെ അംഗീകാരത്തോടെയാണ് നിയമനങ്ങൾ,​ തേവര സേക്രട്ട് ഹാർട്ട് കോളേജിലെ മുൻ യൂണിയൻ ചെയർമാനാണ് അലോഷ്യസ്. പ്രായപരിധിയിൽ ഇളവുനൽകിയാണ് 26കാരനായ അലോഷ്യസിനെ പ്രസിഡന്റാക്കിയത്. 27 വയസായിരുന്നു കെ.എസ്.യുവിൽ പ്രായപരിധിയായി നിശ്ചയിച്ചിരുന്നത്. പ്രതിപക്ഷ നേതാവ് വി.ഡി. സതീശനും മുതിർന്ന നേതാവ് ഉമ്മൻചാണ്ടിയും അലോഷ്യസിനായി വാദിച്ചിരുന്നു.