മല്ലപ്പള്ളി : സി​.പി​.എം നേതാവ് കോടിയേരി ബാലകൃഷ്ണന് അന്ത്യാഞ്ജലി അർപ്പിച്ച് കർഷകസംഘം ജി​ല്ലാസമ്മേളനം സമാപിച്ചു. പൊതുചർച്ചയടക്കമുള്ള അജണ്ടകൾ ഒഴിവാക്കി. പ്രിയ നേതാവിന് അനുശോചനമറിയിച്ച് പുതി​യ ഭാരവാഹി​കളെ തി​രഞ്ഞെടുത്ത് സമ്മേളനം അവസാനി​പ്പി​ച്ചു. കോടിയേരിയുടെ ചിത്രത്തിൽ പുഷ്പാർച്ചന നടത്തിയാണ് പ്രതിനിധികൾ സമ്മേളന ഹാളിൽ പ്രവേശിച്ചത്. റബർ കർഷകർ നേരിടുന്ന ദുരിതങ്ങൾക്ക് പരിഹാരമുണ്ടാകണമെന്നതടക്കം അവതരിപ്പിക്കപ്പെട്ട പ്രമേയങ്ങൾ സമ്മേളനം പാസാക്കി. കെ.പി.ഉദയഭാനു, രാജു ഏബ്രഹാം, എ.പത്മകുമാർ, പി.ബി.ഹർഷകുമാർ, ഓമല്ലൂർ ശങ്കരൻ എന്നിവർ സമ്മേളനത്തിൽ പങ്കെടുത്തു.

ഭാരവാഹി​കളായി​ ബാബു കോയിക്കലേത്ത് (പ്രസിഡന്റ്), ജി.വിജയൻ, കെ. പി.സുഭാഷ് കുമാർ, ഒ.സതികുമാരി (വൈസ് പ്രസിഡന്റുമാർ, ആർ. തുളസീധരൻ പിള്ള (സെക്രട്ടറി), കെ.ജി.വാസുദേവൻ, ജനുമാത്യു, കെ.ജെ. ഹരികുമാർ (ജോ.സെക്രട്ടറിമാർ), കെ.യു.ജനീഷ് കുമാർ എം.എൽ.എ (ട്രഷറാർ), ഡോ.അംബികാദേവി, ജിജി മാത്യു, ആർ.അജയകുമാർ, പ്രസാദ് എം. ഭാസ്ക്കർ, ആർ.ഗോവിന്ദ്, ആർ.ബി.രാജീവ് കുമാർ (എക്സികുട്ടീവ് അംഗങ്ങൾ) എന്നിവരെ തി​രഞ്ഞെടുത്തു.സംഘാടക സമിതി കൺവീനർ കെ.പി.രാധാകൃഷ്ണൻ കൃതജ്ഞത പറഞ്ഞു.