ചെങ്ങന്നൂർ: എസ്.എൻ.ഡി.പി.യോഗം ചെങ്ങന്നൂർ യൂണിയൻ 3638-ാം തിങ്കളാമുറ്റം ശാഖയുടെ ആഭിമുഖ്യത്തിൽ മൂന്ന് ദിവസമായി നടന്നു വന്ന ഒന്നാമത് തിങ്കളാമുറ്റം ശ്രീനാരായണ കൺവെൻഷൻ സമാപിച്ചു. ഗുരുദേവന്റെ ക്ഷേത്ര സങ്കൽപ്പം എന്ന വിഷയത്തിൽ ബിജു പുളിക്കലേടത്തും ഗുരുദർശനം നിത്യജീവിതത്തിൽ എന്ന വിഷയത്തിൽ വൈക്കം മുരളിയും പ്രഭാഷണം നടത്തി. കൺവെൻഷനോടനുബന്ധിച്ച് ഗുരു മണ്ഡപത്തിൽ വിശ്വശാന്തി ഹവനം,ഗുരുപൂജ, ഗുരുപുഷ്പാഞ്ജലി, അന്നദാനം, ശാരദാപൂജ, പൂജവയ്പ്പ് എന്നിവ നടന്നു. ചെങ്ങന്നൂർ എസ്.എൻ.ഡി.പി. യൂണിയന്റെ കീഴിലുള്ള 48-ാ ശാഖകളിലും മൂന്ന് ദിവസം നീണ്ടുനിൽക്കുന്ന കൺവെൻഷൻ നടത്തുന്നതിന്റെ ഭാഗമായുള്ള 14ാം മത് ശ്രീനാരായണ കൺവെൻഷനാണ് ഇന്നലെ സമാപിച്ചത്. അടുത്ത ശ്രീനാരായണ കൺവെൻഷൻ ഒക്ടോബർ 22, 23, 24 തീയതികളിൽ ഒന്നാമത് പാറപ്പാട് ശ്രീനാരായണ കൺവെൻഷൻ 2863-ാം പാറപ്പാട് ശാഖയിൽ നടക്കുമെന്ന് യൂണിയൻ കൺവീനർ അനിൽ പി.ശ്രീരംഗം അറിയിച്ചു.