അടൂർ : വർഷങ്ങളായി വാടക കെട്ടിടത്തിൽ കഴിഞ്ഞ സബ് രജിഷ്ട്രാർ ഓഫീസിനു വേണ്ടി ആധാര എഴുത്തു കാര്യം വെണ്ടർമാരുമായ ദമ്പദികൾ സ്വന്തം ഭൂമി ദാനമായി നൽകി. ഏനാത്ത് മുല്ലവേലിൽ തെക്കേതിൽ ജയിംസ്.എം ശാമുവേലും, ഭാര്യ ലാലി ജയിംസും ചേർന്നാണ് ഭൂമി കൈമാറിയത്. ലാലി ജയിംസിന്റെ പേരിലുള്ള അഞ്ച് സെന്റ് സ്ഥലമാണ് സൗജന്യമായി നൽകിയതെന്നും രജിസ്ട്രേഷൻ നടപടികൾ പൂർത്തിയാക്കിയതായും അധികൃതർ പറഞ്ഞു.ഏനാത്ത് പട്ടാഴി റോഡരികിൽ സെന്റ് കുര്യാക്കോസ് ഓർത്തഡോക്സ് പള്ളിക്ക് സമീപമുള്ള സ്ഥലമാണ് നൽകിയത്.ഏനാത്ത് ജംഗ്ഷനിൽ വാടക കെട്ടിടത്തിലാണ് സബ് രജിസ്ട്രാർ ഓഫീസ് പ്രവർത്തിക്കുന്നത്.ഇതിന് സമീപമാണ് ജയിംസിന്റെയും ഭാര്യയുടെയും ആധാരമെഴുത്ത് സ്ഥാപനം. വാർഷങ്ങളായി വാടക കെട്ടിടത്തിൽ പ്രവർത്തിക്കുന്ന സ്ഥാപനത്തിന് സ്വന്തമായി സ്ഥലം ലഭിക്കാതെ വന്നതിനാലും സർക്കാൻ സ്ഥാപനം ഇവിടെ നിലനിറുത്തണമെന്നുള്ള ആഗ്രഹമാണ് ഭൂമി ദാനം ചെയ്യാൻ ഇടയാക്കിയത്.