അടൂർ : കീരുകുഴി ഒാട്ടോസ്റ്റാൻഡി​ൽ ഒരു അപൂർവ സൗഹൃദമുണ്ട്. ഒാട്ടോറിക്ഷ ഡ്രൈവർ അജയനും ഇക്രു എന്ന തെരുവ് നായയും തമ്മി​ൽ. ദിവസവും അജയനെ കാത്ത് നായ അടൂർ കെ.എസ്.ആർ.ടി.സി ജംഗ്ഷനിലുണ്ടാകും. സെൻട്രൽ ജംഗ്ഷനിലെത്തുമ്പോൾ അജയൻ തന്റെ വാഹനത്തിന്റെ ഹോൺ മുഴക്കും. നിമിഷനേരംകൊണ്ട് പാലത്തിനടുത്ത് എത്തുമ്പോഴേക്കും ഇക്രു വാലാട്ടി​ വാഹനത്തിന് മുന്നിലെത്തി നമസ്കരി​ക്കും. തുടർന്ന് പി​ൻസീറ്റിൽ കയറി ഒരൊറ്റ കി​ടപ്പാണ്. പിന്നീട് അജയന് പോകണമെന്ന് പറയുമ്പോൾ മാത്രമാണ് ഇക്രു ഒാട്ടോറിക്ഷ വിട്ടി​റങ്ങുക. ഇക്രുവിനാവശ്യമായ ഭക്ഷണവും അജയൻ വാങ്ങിനൽകും. കഴി​ഞ്ഞ ആറ് വർഷമായി​ ഇൗ ബന്ധം തുടരുകയാണ്. ഒാരോ ആറ് മാസവും ഇക്രുവി​നെ മൃഗാശുപത്രിയിലെത്തിച്ച് പേവിഷബാധയ്ക്ക് എതിരായ കുത്തിവയ്പ്പ് നൽകാനും അജയൻ മറക്കാറി​ല്ല. ഏതാനും ദിവസം മുൻപും കുത്തിവയ്പ്പിന് വിധേയനാക്കി. ലോക്ക് ഡൗൺ കാലത്ത് ടൗണിൽ ഇക്രു പൊലീസുകാരുടെയും പ്രി​യപ്പെട്ടവനായിരുന്നു. വാഹനങ്ങൾ പൊലീസ് പരിശോധിക്കുമ്പോൾ ഇക്രുവും ഒപ്പം ഉണ്ടാകും. വാഹനം നിറുത്താതെ പോയാൽ കുരച്ചുകൊണ്ട് പിന്നാലെ പായും.