തിരുവല്ല: ചലച്ചിത്രനടൻ എം.ജി.സോമൻ അനുസ്മരണാർത്ഥം തിരുവല്ലയിൽ സംഘടിപ്പിക്കുന്ന ഓൾകേരള അമച്ച്വർ നാടകമത്സരത്തിലേക്ക് 45 മിനിറ്റ് ദൈർഘ്യമുള്ള നാടകങ്ങൾ അവതരിപ്പിക്കുന്നതിന് അപേക്ഷ ക്ഷണിക്കുന്നു. ഒന്നാംസ്ഥാനത്തിന് താരസംഘടനയായ അമ്മ നൽകുന്ന എവർറോളിംഗ് ട്രോഫിയും 25,000രൂപയും രണ്ടാംസ്ഥാനത്തിന് 10,000രൂപയും സമ്മാനമായി ലഭിക്കും. മത്സരത്തിൽ പങ്കെടുക്കുന്ന എല്ലാ നാടകസമിതികൾക്കും കലാകാരന്മാർക്കും പ്രത്യേക ഉപഹാരങ്ങളും സർട്ടിഫിക്കറ്റും നൽകും. മികച്ച നടൻ, നടി, സംവിധായകൻ എന്നിവരെ ചടങ്ങിൽ ആദരിക്കും. തിരഞ്ഞെടുക്കപ്പെടുന്ന മികച്ച സ്‌ക്രി്ര്രപിന് പ്രത്യേക ഉപഹാരം ലഭിക്കും. അവതരിപ്പിക്കാൻ ആഗ്രഹിക്കുന്ന നാടകസംഘങ്ങൾ/ക്ലബുകൾ/ കോളേജുകൾ/ കലാകാരന്മാർ ഈമാസം 20ന് മുമ്പായി രജിസ്‌ട്രേഷൻ നടപടികൾ പൂർത്തീകരിക്കേണ്ടതും തുടർന്ന് സമ്പൂർണ സ്‌ക്രി്ര്രപ് എം.ജി.സോമൻ ഫൗണ്ടേഷൻ, മണ്ണടിപറമ്പിൽ വീട്, തിരുമൂലപുരം പി.ഒ., തിരുവല്ല, പിൻ. 689115 എന്ന മേൽവിലാസത്തിലോ ഇമെയിൽ ഐഡിയിലോ ഈമാസം 30ന് മുൻപ് ലഭിക്കത്തക്കവണ്ണം അയക്കേണ്ടതാണ്. കൂടുതൽ വിവരങ്ങൾക്ക് ഫോൺ: 9447401045, 9847535454, 9447148201.

m​g​s​f​o​u​n​d​a​t​i​o​n2022​@​g​m​a​i​l.​c​o​m.