കോന്നി: വിസ തട്ടിപ്പ് കേസിൽ ഇളകൊള്ളൂർ അഭിത് ഭവനത്തിൽ അജയകുമാർ ( 49 ) നെ പൊലീസ് അറസ്റ്റുചെയ്തു.ഗ്രീൻ ജോബ് എന്ന റിക്രൂട്ടിങ് സ്ഥാപനത്തിന്റെ പേരിൽ ഇയാൾ അമ്പലപ്പുഴ പുറക്കാട് സ്വദേശി ശരത്തിനെ വിദേശത്തു കൊണ്ടുപോകാമെന്ന് പറഞ്ഞ് പലപ്പോഴായി രണ്ടു ലക്ഷത്തി ഇരുപതിനായിരം രൂപ വാങ്ങിയെന്നാണ് പരാതി. ആദ്യം ഇരുപത്തി അയ്യായിരം രൂപ കൊടുത്തപ്പോൾ ഇയാൾ ഓഫർ ലെറ്റർ നൽകിയിരുന്നു.പിന്നീടാണ് ഇത് വ്യാജ ഓഫർ ലെറ്റർ ആണന്നു മനസിലായത്. വിദേശത്ത് പോകാൻ കഴിയാതെ വന്നതോടെ ശരത് പരാതി നൽകുകയായിരുന്നു. 2018 ലും കോന്നി പൊലീസ് സ്റ്റേഷനിൽ ഇയാൾക്കെതിരെ സമാനമായ കേസുണ്ടായിരുന്നു. റിമാൻഡ് ചെയ്തു.