പത്തനംതിട്ട: പൊതുപ്രവർത്തകനും പ്രശസ്തനായ പാരമ്പര്യ വൈദ്യനുമായ ഭഗവൽസിംഗ് രണ്ടുപേരെ നരബലി നൽകിയ വിവരമറിഞ്ഞ് വിറങ്ങലിച്ച് നിൽക്കുകയാണ് നാട്. നാട്ടുകാർ ഇയാളെ സ്നേഹപൂർവം വിളിച്ചിരുന്നത് ബാബു എന്നാണ്. ആഞ്ഞിലിമൂട്ടിൽ വൈദ്യ കുടുംബത്തിലെ അംഗം. വീട്ടുപേര് കടകംപള്ളിൽ എന്നാണെങ്കിലും ആഞ്ഞിലിമൂട്ടിൽ വൈദ്യൻ എന്നാണ് അറിയപ്പെട്ടിരുന്നത്. അച്ഛൻ വാസു വൈദ്യരും പാരമ്പര്യ ചികിത്സയിലൂടെ പ്രശസ്തനായിരുന്നു.

ശരീരത്തിന് ഒട‌ിവോ ചതവോ സംഭവിക്കുന്നവരുടെ വിശ്വസ്തനായ വൈദ്യനായിരുന്നു ഭഗവൽസിംഗ്. ഇലന്തൂരിന് സമീപം കാരംവേലി പുന്നക്കാട് റോഡിൽ പുളിന്തിട്ട

ഭാഗത്തുള്ള ചെറിയ കാവിന് പിന്നിലാണ് ചികിത്സാലയം. തൊട്ടുപിന്നിൽ കാടും പടലവും നിറഞ്ഞ പറമ്പും വീടും. പദ്മയെയും റോസ്‌‌ലിയെയും വെട്ടിനുറുക്കി കഷണങ്ങളാക്കി കുഴിച്ചിട്ടത് ഇവിടെയാണ്.

പൊതുവെ ശാന്തനും നാട്ടുകാര്യങ്ങളിൽ സജീവമായി പങ്കെടുക്കുകയും ചെയ്തിരുന്നയാളുമായിരുന്നു ഭഗവൽ സിംഗ് എന്ന് തൊട്ടടുത്ത വീട്ടിൽ താമസിക്കുന്ന ജോസ് തോമസ് പറഞ്ഞു. തിരുമ്മു ചികിത്സാ കേന്ദ്രമായതിനാൽ രാത്രിയിലും ആളുകൾ വാഹനങ്ങളിൽ വന്നുപോയിരുന്നു. ഇതിലൊന്നും ആർക്കും സംശയം ഉണ്ടായിരുന്നില്ല.

അച്ഛൻ വാസു വൈദ്യരുടെ കാലശേഷം പാരമ്പര്യ ചികിത്സ മകൻ നന്നായി നടത്തിക്കൊണ്ടു പോവുകയായിരുന്നുവെന്ന് അയൽക്കാരനായ വാസുദേവൻ പറഞ്ഞു. അടുത്ത വീട്ടിലെ ലൈസമ്മയുടെ കൈ വേദന മാറ്റിയതും ക്രിക്കറ്റ് കളിക്കിടെ സമീപവാസിയായ ശ്രീകാന്തിന്റെ കൈവിരൽ ഒടിഞ്ഞത് നേരെയാക്കിയതും ഫുട്ബാൾ കളിക്കിടെ നെൽസന്റെ കാൽക്കുഴ തെറ്റിയത് പരിഹരിച്ചതും ഉൾപ്പെടെ ഇയാളുടെ ചികിത്സ നാട്ടിലെങ്ങും അറിയപ്പെട്ടിരുന്നു. ഒരിക്കൽ പോലും ഇയാൾ സംശയത്തിന് ഇട നൽകിയിട്ടില്ലെന്ന് പഞ്ചായത്തംഗം ഷിബു കാഞ്ഞിക്കൽ പറഞ്ഞു.

ക​രു​ണ​യി​ല്ലാ​ത്ത​ ​കൊ​ല​പാ​ത​കി​ ​ഫേ​സ് ​ബു​ക്കി​ലെ​ ​ക​വി

പ​ത്ത​നം​തി​ട്ട​:​ ​ഫേ​സ് ​ബു​ക്കി​ൽ​ ​മൂ​ന്നു​വ​രി​യി​ൽ​ ​ഒ​തു​ങ്ങു​ന്ന​ ​ഹൈ​ക്കു​ ​ക​വി​ത​ക​ൾ​ ​എ​ഴു​തു​ന്ന​ ​ക​വി​യാ​യാ​ണ് ​ഭ​ഗ​വ​ൽ​സിം​ഗ് ​നി​റ​ഞ്ഞു​നി​ന്ന​ത്.​ജി​ല്ല​യി​ലും​ ​പു​റ​ത്തു​മു​ള്ള​ ​നി​ര​വ​ധി​ ​പ്ര​മു​ഖ​രും​ ​ക​വി​ക​ളു​മു​ൾ​പ്പെ​ടെ​ ​നാ​ലാ​യി​ര​ത്തോ​ളം​ ​പേ​ർ​ ​ഫ്ര​ണ്ട് ​ലി​സ്റ്റി​ൽ​ ​ഉ​ണ്ടാ​യി​രു​ന്നെ​ങ്കി​ലും​ ​കൊ​ല​പാ​ത​ക​ ​വാ​ർ​ത്ത​ ​പു​റ​ത്തു​വ​ന്ന​തോ​ടെ​ ​പ​ല​രും​ ​ബ​ന്ധം​ ​ഉ​പേ​ക്ഷി​ച്ചു.
അ​വ​സാ​നം​ ​ഫേ​സ്ബു​ക്കി​ൽ​ ​വ​ന്ന​ ​ക​വി​ത​ ​ഇ​ങ്ങ​നെ:
"​ഉ​ല​യൂ​തു​ന്നു
പ​ണി​ക്ക​ത്തി,​ ​കൂ​ട്ടി​നു​ണ്ട്
കു​നി​ഞ്ഞ​ ​ത​നു."
ഇ​ത് ​കു​റ​ച്ച​തി​ന് ​തൊ​ട്ട​ടു​ത്ത​ ​ദി​വ​സ​ങ്ങ​ളി​ലാ​ണ് ​പ​ത്മ​യെ​ ​കൊ​ല​പ്പെ​ടു​ത്തി​യ​തെ​ന്നാ​ണ് ​ക​രു​തു​ന്ന​ത്.
സി.​പി.​എം​ ​ഇ​ല​ന്തൂ​ർ​ ​പു​ളി​ന്തി​ട്ട​ ​മു​ൻ​ ​ബ്രാ​ഞ്ച് ​സെ​ക്ര​ട്ട​റി​യാ​യി​രു​ന്ന​ ​ഭ​ഗ​വ​ൽ​സിം​ഗ് ​ഇ​പ്പോ​ഴും​ ​പാ​ർ​ട്ടി​യി​ൽ​ ​സ​ജീ​വ​മാ​ണ്.​മ​ല്ല​പ്പ​ള്ളി​യി​ൽ​ ​ഒ​രാ​ഴ്ച​ ​മു​ൻ​പ് ​ന​ട​ന്ന​ ​ക​ർ​ഷ​ക​ ​സം​ഘം​ ​ജി​ല്ലാ​ ​സ​മ്മേ​ള​ന​ത്തി​ലും​ ​പ​ങ്കെ​ടു​ത്തി​രു​ന്നു.​ഇ​ല​ന്തൂ​രി​ലെ​ ​ചി​ല​ ​സാ​ഹി​ത്യ​ ​സ​ദ​സു​ക​ളി​ലും​ ​പ​ങ്കെ​ടു​ത്തി​രു​ന്നു.​ ​ഹൈ​ക്കു​ ​ക​വി​ത​ക​ളെ​ക്കു​റി​ച്ച് ​ക്ളാ​സെ​ടു​ക്കു​മെ​ന്നും​ ​ഫേ​സ് ​ബു​ക്കി​ലൂ​ടെ​ ​ഇ​യാ​ൾ​ ​അ​റി​യി​ച്ചി​രു​ന്നു.