ചെങ്ങന്നൂർ: എസ്.എൻ.ഡി.പി. യോഗം ചെങ്ങന്നൂർ യൂണിയന്റെയും എറണാകുളം മുക്തിഭവൻ കൗൺസലിംഗ് സെന്ററിന്റെയും ആഭിമുഖ്യത്തിൽ യൂണിയൻ ഷോപ്പിംഗ് കോംപ്ലക്സിലെ സരസകവി മൂലൂർ സ്മാരക ഹാളിൽ 22, 23 തീയതികളിൽ വിവാഹപൂർവ കൗൺസലിംഗ് ക്ളാസ് നടക്കും. 22 ന് രാവിലെ 9.30 ന് യൂണിയൻ അഡ്.കമ്മിറ്റി വൈസ് ചെയർമാൻ രാഖേഷ് പി.ആറിന്റെ അദ്ധ്യക്ഷതയിൽ യൂണിയൻ ചെയർമാൻ അനിൽ അമ്പാടി ഉദ്ഘാടനം ചെയ്യും. യൂണിയൻ അഡ്.കമ്മിറ്റി അംഗങ്ങളായ അനിൽ കണ്ണാടി ,​കെ.ആർ.മോഹനൻ ,​ സുരേഷ് വല്ലന എന്നിവർ പ്രസംഗിക്കും.
രാജേഷ് പൊന്മല, സുരേഷ് പരമേശ്വരൻ, ഷൈലജ രവീന്ദ്രൻ, കൊടുവഴങ്ങ ബാലകൃഷ്ണൻ, ഡോ.അനൂപ് വൈക്കം, ഡോ.ശരത് ചന്ദ്രൻ എന്നിവർ ക്ളാസെടുക്കും.
23 ന് വൈകിട്ട് 4.30 ന് യൂണിയൻ അഡ്.കമ്മിറ്റി അംഗം കെ.ആർ.മോഹനന്റെ അദ്ധ്യക്ഷതയിൽ കൂടുന്ന സമാപന യോഗത്തിൽ യൂണിയൻ കൺവീനർ അനിൽ പി.ശ്രീരംഗം സർട്ടിഫിക്കറ്റുകൾ വിതരണം ചെയ്യും . യൂണിയൻ അഡ്.കമ്മിറ്റി അംഗം ബി.ജയപ്രകാശ് തൊട്ടാവാടി സ്വാഗതവും എസ്.ദേവരാജൻ നന്ദിയും പറയും. എല്ലാ രണ്ട് മാസങ്ങൾ കൂടുമ്പോഴും മൂന്നാമത്തെ ശനി, ഞായർ ദിവസങ്ങളിൽ യൂണിയൻ ഷോപ്പിംഗ് കോംപ്ലക്സിലെ സരസകവി മൂലൂർ സ്മാരക ഹാളിൽ വിവാഹപൂർവ കൗൺസലിംഗ് ക്ലാസ് സംഘടിപ്പിച്ചിടുണ്ടെന്ന് യൂണിയൻ കൺവീനർ അനിൽ പി.ശ്രീരംഗം അറിയിച്ചു. ഫോൺ - 9447000097