കോന്നി : നിയോജക മണ്ഡലത്തിലെ ഡ്രോൺ സർവേ കെ.യു ജനീഷ് കുമാർ എം.എൽ. എ ഉദ്ഘാടനം ചെയ്തു. ഡിജിറ്റൽ സർവേ ജോലികൾ പൊതുജനപങ്കാളിത്തത്തോടെ സമയബന്ധിതമായി പൂർത്തിയാക്കുന്നതിന്റെ ഭാഗമായി ബന്ധപ്പെട്ട ഉദ്യോഗസ്ഥർ ആവശ്യപ്പെടുന്ന മുറയ്ക്ക് രേഖകൾ ഹാജരാക്കേണ്ടതാണ്.സാങ്കേതിക വിദ്യയുടെ സഹായത്തോടെ മനുഷ്യനിർമ്മിതമായ പ്രശ്‌നങ്ങൾക്ക് പരിഹാരം കാണുകയാണ് ഇതിന്റെ ലക്ഷ്യം.12 വില്ലേജുകളാണ് ഡിജിറ്റൽ സർവേയ്ക്കായി ആദ്യഘട്ടത്തിൽ തിരഞ്ഞെടുത്തിട്ടുള്ളത് പ്രമാടം,തണ്ണിത്തോട്, വള്ളിക്കോട്, കോന്നി താഴം മൈലപ്ര വില്ലേജുകളിലാണ് ആദ്യഘട്ട സർവേ നടക്കുന്നത്. സവിശേഷമായ ഭൂപ്രകൃതികൾക്ക് അനുസൃതമായ സാങ്കേതിക ഉപകരണങ്ങളുടെ സഹായത്തോടെ സർവേ നടപടികൾ സമയബന്ധിതമായി പൂർത്തിയാക്കും. പദ്ധതിയിൽ ഉൾപ്പെടുത്താൻ കഴിയുന്ന 20 ശതമാനം ഭൂപ്രദേശങ്ങൾ ഡ്രോൺ സർവേ ചെയ്യുന്നതിനും ബാക്കിയുള്ള 80 ശതമാനം ഭൂപ്രദേശങ്ങൾ റീബിൽഡ് കേരള ഫണ്ട് ഉപയോഗിച്ച് നൂതന സാങ്കേതികവിദ്യ ഉപയോഗിച്ചു പൂർത്തീകരിക്കും.വകുപ്പിൽ നിന്ന് നൽകുന്ന സേവനങ്ങൾ കൂടുതൽ മെച്ചപ്പെട്ട രീതിയിൽ ആധുനിക വിവരസാങ്കേതികവിദ്യ പ്രയോജനപ്പെടുത്തി പൊതുജനങ്ങളിലേക്ക് നേരിട്ട് എത്തിക്കുന്നതിനായി വിവരവ്യവസ്ഥ അടിസ്ഥാനപ്പെടുത്തി നടപ്പിലാക്കുന്ന നൂതന ഭൂസർവേ പ്രവർത്തനങ്ങളാണ് ഡിജിറ്റൽ സർവേ. ഡിജിറ്റൽ സർവേ പൂർത്തിയാകുന്നതോടുകൂടി ഭൂമി സംബന്ധമായ എല്ലാവിധ റവന്യൂ സേവനങ്ങളും അതിവേഗത്തിൽ പൊതുജനങ്ങൾക്ക് ലഭിക്കും എന്നതാണ് സർവേയുടെ പ്രത്യേകത. കെ.യു.ജനീഷ് കുമാർ എം.എൽ.എ ഉദ്ഘാടനം ചെയ്തു. പ്രമാടം പഞ്ചായത്ത് പ്രസിഡന്റ് എൻ.നവനിത്ത് അദ്ധ്യക്ഷത വഹിച്ചു.