പന്തളം: വീട്ടുമുറ്റത്ത് നിൽക്കുകയായിരുന്ന ഗൃഹനാഥന് പട്ടിയുടെ കടിയേറ്റ് ഗുരുതരമായി പരി​ക്കേറ്റു. പട്ടിയെ നാട്ടുകാർ തല്ലിക്കൊന്നു. റിട്ട. റവന്യൂ വകുപ്പ് ജീവനക്കാരൻ കടയ്ക്കാട് മണ്ണിൽ വടക്കേതിൽ താഹാ റാവുത്തർ (64)നാണ് കടിയേറ്റത്. ഇന്നലെ പുലർച്ചെ 4 .15. യോടെ കടയ്ക്കാട് പബ്ലിക് മാർക്കറ്റിന് സമീപമാണ് സം​ഭവം. പ്രഭാത നമസ്‌കാരത്തിനായി പള്ളിയിൽ പോകുന്നതിനു വേണ്ടി വീട്ടുമുറ്റത്ത് നിൽക്കുമ്പോഴാണ് പട്ടികടിച്ചത്. നിലവിളി കേട്ട് സമീപത്തെ മാർക്കറ്റിൽ ഉണ്ടായിരുന്നവർ ഓടിയെത്തിയാണ് പട്ടിയെ തല്ലിക്കൊന്നത്. ഗുരുതരമായി പരിക്കേറ്റ താഹാ റാവുത്തറെ അടൂർ ഗവ. ആശുപത്രിയിലും പിന്നീട് കോട്ടയം മെഡിക്കൽ കോളേജ് ആശുപത്രിയിലും പ്രവേശിപ്പിച്ചു.