തു​മ്പമൺ: അമ്പലക്കടവ് അച്ചൻകോവിലാറ്റിലെ അമ്പലക്കടവ് പാലത്തിന്റെ താഴ്ഭാഗത്ത് തടി അടക്കമുള്ള അവശിഷ്ടങ്ങൾ അടിഞ്ഞുകൂടിയതിനാൽ പാലം ബലക്ഷയത്തിന് ഇടയാക്കുന്നതായി പരാതി. അടൂർ ​കോഴഞ്ചേരി റോഡിലെ അമ്പലക്കടവ് പി.ഡബ്ല്യൂ.ഡി പാലത്തിന്റെ കിഴക്ക് ഭാഗത്തുള്ള സ്പാനിലാണ് തടികളും, മുളയും, വിറകും മറ്റ് അവിഷ്ടങ്ങവും വൻ തോതിൽ കഴിഞ്ഞ മഴക്കാലം മുതൽ അടിഞ്ഞു കൂടി കിടക്കുന്നത്. പാലത്തിന്റെ മദ്ധ്യഭാഗത്തെ സ്പാനുകൾ അപകട നിലയിലാണ്. പരിസരവാസിയായ കേരള ജനപക്ഷം (സെക്കുലർ ) ജില്ലാ പ്രസിഡന്റ്​ ഇ.ഒ.ജോൺ മന്ത്രിയുടെ ഓഫീസിന് ശ്രദ്ധയിൽപ്പെടുത്തിയിട്ടുണ്ട്. വരും ദിവസങ്ങളിൽ തുലാവർഷം ശക്തിപ്പെടുന്നതിനാൽ പാലത്തിന്റെ ബലക്ഷയത്തിൽ ആശങ്കയിലാണ് നാട്ടുകാർ.