തിരുവല്ല: യുവാവിനെ ലോഡ്ജ് മുറിയിൽ തൂങ്ങി മരിച്ചനിലയിൽ കണ്ടെത്തി. നിരണം കിഴക്കുംഭാഗം കൊച്ചിയിൽ വീട്ടിൽ സ്കറിയ തോമസ് (26) ആണ് മരിച്ചത്. ചിലങ്ക തീയേറ്ററിന് സമീപത്തെ കഴിഞ്ഞ രണ്ടാഴ്ചക്കാലമായി ഇയാൾ ലോഡ്ജിൽ മുറിയെടുത്ത് താമസിക്കുകയായിരുന്നു. ഇന്നലെ പുലർച്ചെയാണ് മരിച്ചനിലയിൽ കണ്ടെത്തിയത്. പ്രേമനൈരാശ്യം മൂലമാണ് ആത്മഹത്യ ചെയ്യുന്നതെന്ന കുറിപ്പ് മുറിയിൽ നിന്നും പൊലീസ് കണ്ടെടുത്തിട്ടുണ്ട്. പോസ്റ്റുമോർട്ടം നടപടിക്കുശേഷം മൃതദേഹം ബന്ധുക്കൾക്ക് വിട്ടുനൽകി. തിരുവല്ല പൊലീസ് കേസെടുത്തു.