അടൂർ : വിജയവാഡയിൽ ചേർന്ന സി.പി.ഐയുടെ ഇരുപത്തിനാലാം പാർട്ടി കോൺഗ്രസിന് തിരശീല വീഴുമ്പോൾ അടൂരിനും ജില്ലയ്ക്കും അഭിമാനമായി മാറുകയാണ് ദേശീയ കൗൺസിലിലേക്കുള്ള നിയമസഭ ഡെപ്യൂട്ടി സ്പീക്കർ ചിറ്റയം ഗോപകുമാറിന്റെ കടന്നുവരവ്. കൊ​ല്ലം ജി​ല്ല​യി​ലെ കൊ​ട്ടാ​ര​ക്ക​ര​യ്ക്ക​ടു​ത്ത്​ ചി​റ്റ​യം ഗ്രാ​മ​മാ​ണ്​ ജ​ന്മ​ദേ​ശ​മെ​ങ്കി​ലും 2011ൽ ​അ​ടൂ​രി​ന്റെ മ​ന​സി​ൽ ഇ​ടം നേ​ടു​ക​യാ​യി​രു​ന്നു. എ.​ഐ.​എ​സ്.​എ​ഫി​ലൂ​ടെ​യാ​ണ് രാ​ഷ്​​ട്രീ​യ പ്രവേശം. എ.​ഐ.​എ​സ്.​എ​ഫ് സം​സ്ഥാ​ന ക​മ്മി​റ്റി അം​ഗം, എ.​ഐ.​ടി.​യു.​സി കൊ​ല്ലം ജി​ല്ലാസെ​ക്ര​ട്ട​റി, ക​ർ​ഷ​ക തൊ​ഴി​ലാ​ളി യൂണി​യ​ൻ കൊ​ല്ലം ജി​ല്ലാ സെ​ക്ര​ട്ട​റി തു​ട​ങ്ങി​യ നി​ല​ക​ളി​ലും പ്ര​വ​ർ​ത്തി​ച്ചി​ട്ടു​ണ്ട്. 1995ൽ ​കൊ​ട്ടാ​ര​ക്ക​ര ഗ്രാ​മ​പ​ഞ്ചാ​യ​ത്തി​ലേക്കാ​യി​രു​ന്നു ആ​ദ്യ തിരഞ്ഞെ​ടു​പ്പ്​ മ​ത്സ​രം. വി​ജ​യി​ച്ച​പ്പോ​ൾ ചിറ്റയത്തെ തേടിയെത്തിയത് പ്ര​സി​ഡ​ന്റ് പ​ദ​വിയായിരുന്നു. 2009ൽ ​ക​ർ​ഷ​ക തൊ​ഴി​ലാ​ളി ക്ഷേ​മ​നി​ധി ബോ​ർ​ഡ് ചെ​യ​ർ​മാ​നാ​യി​. സം​വ​ര​ണ മ​ണ്ഡ​ല​മാ​യ അ​ടൂ​രി​ൽ 2011ൽ ​ആ​ദ്യ അ​ങ്ക​ത്തി​ൽ കോ​ൺ​ഗ്ര​സി​ലെ പ​ന്ത​ളം സു​ധാ​ക​ര​നെ തോ​ൽ​പി​ച്ചാ​ണ് എം.​എ​ൽ.​എ ആ​യ​ത്. തു​ട​ർ​ന്ന് 2016ൽ ​കെ.​കെ.ഷാ​ജു​വി​നെ വ​ൻ​ഭൂ​രി​പ​ക്ഷ​ത്തി​ൽ തോ​ൽ​പി​ച്ച് വീ​ണ്ടും അ​ടൂ​രി​ൽ ഇ​ട​തു​കോ​ട്ടയാക്കി. എം.ജി.കണ്ണനെ ഹാട്രിക് വിജയത്തിലൂടെ പരാജയപ്പെടുത്തി സംസ്ഥാന നിയമസഭയിലെ ഡെപ്യൂട്ടി സ്പീക്കറുമായി. കേ​ര​ള സ​ർ​വ​ക​ലാ​ശാ​ല സെ​ന​റ്റ് അം​ഗ​മാ​ണ്. സി.​പി.​ഐ സം​സ്ഥാ​ന കൗ​ൺ​സി​ൽ അം​ഗം, എ.​ഐ.​ടി.​യു.​സി ക​ശുഅണ്ടി തൊ​ഴി​ലാ​ളി യൂ​ണിയ​ൻ കേ​ന്ദ്ര കൗ​ൺ​സി​ൽ സെ​ക്ര​ട്ട​റി, എ.​ഐ.​ടി.​യു.​സി ക​ർ​ഷ​ക തൊ​ഴി​ലാ​ളി യൂ​ണിയ​ൻ ദേ​ശീ​യ ക​മ്മി​റ്റി അം​ഗം, ആ​ശ വ​ർ​ക്കേ​ഴ്സ് യൂ​ണി​യ​ൻ സം​സ്ഥാ​ന പ്ര​സി​ഡന്റ്, കെ.​ടി.​ഡി.​സി എം​പ്ലോ​യീ​സ് യൂ​ണി​യ​ൻ സം​സ്ഥാ​ന പ്ര​സി​ഡ​ന്റ്, പ​ട്ടി​ക​ജാ​തി കോ​ർ​പ്പറേ​ഷ​ൻ സ്​​റ്റാ​ഫ് യൂ​ണി​യ​ൻ സം​സ്ഥാ​ന പ്ര​സി​ഡ​ന്റ്, ഇ​പ്റ്റ, യു​വ​ക​ലാ​സാ​ഹി​തി എ​ന്നി​വ​യു​ടെ സം​സ്ഥാ​ന കൗ​ൺ​സി​ൽ അം​ഗം എ​ന്നീ നി​ല​ക​ളി​ൽ പ്ര​വ​ർ​ത്തി​ക്കു​ന്നു. ഭാ​ര്യ സി.​ഷേ​ർ​ലി ഭാ​യി ഹൈ​ക്കോ​ട​തി റിട്ട.കോ​ർ​ട്ട് ഓ​ഫീസ​ർ ആണ്. മ​ക്ക​ൾ: എ​സ്.​ജി.അ​മൃ​ത, എ​സ്.​ജി.അ​നു​ജ.