ചെങ്ങന്നൂർ: എസ്.എൻ.ഡി.പി യോഗം ചെങ്ങന്നൂർ യൂണിയന്റെയും എറണാകുളം മുക്തിഭവൻ കൗൺസലിംഗ് സെന്ററിന്റെയും ആഭിമുഖ്യത്തിൽ വിവാഹപൂർവ കൗൺസലിംഗ് ക്ലാസ് നാളെ ആരംഭിക്കും. യൂണിയൻ ഷോപ്പിംഗ് കോപ്ലക്സിലെ സരസകവി മൂലൂർ സ്മാരക ഹാളിൽ രാവിലെ 9.30ന് ആരംഭിക്കുന്ന ക്ലാസ് യൂണിയൻ ചെയർമാൻ അനിൽ അമ്പാടി ഉദ്ഘാടനം ചെയ്യും. യൂണിയൻ അഡ്.കമ്മിറ്റി വൈസ് ചെയർമാൻ രാഖേഷ് പി.ആർ അദ്ധ്യക്ഷത വഹിക്കും. യൂണിയൻ അഡ്.കമ്മിറ്റി അംഗം അനിൽ കണ്ണാടി ആശംസാ പ്രസംഗം നടത്തും. കെ.ആർ. മോഹനൻ സ്വാഗതവും സുരേഷ് വല്ലന നന്ദിയും പറയും. രാജേഷ് പൊന്മല, സുരേഷ് പരമേശ്വരൻ, ഷൈലജ രവീന്ദ്രൻ, കൊടുവഴങ്ങ ബാലകൃഷ്ണൻ, ഡോ.അനൂപ് വൈക്കം, ഡോ.ശരത് ചന്ദ്രൻ എന്നിവർ വിവിധ വിഷയങ്ങളിൽ ക്ലാസ് നയിക്കും. ഞായറാഴ്ച വൈകിട്ട് 4.30 ന് യൂണിയൻ അഡ്.കമ്മിറ്റി അംഗം കെ.ആർ.മോഹനന്റെ അദ്ധ്യക്ഷതയിൽ കൂടുന്ന സമാപന യോഗത്തിൽ യൂണിയൻ കൺവീനർ അനിൽ പി.ശ്രീരംഗം സർട്ടിഫിക്കറ്റുകൾ വിതരണം ചെയ്യും. യൂണിയൻ അഡ്.കമ്മിറ്റി അംഗം ബി.ജയപ്രകാശ് തൊട്ടാവാടി സ്വാഗതവും എസ്.ദേവരാജൻ നന്ദിയും പറയും.