സ്വർണവും പണവും നഷ്ടപ്പെട്ടു

പന്തളം : എം.സി റോഡിൽ കുരമ്പാല ജംഗ്ഷന് സമീപം വീട്ടിൽ മോഷണം .റിട്ട. ഡി.എഫ്.ഒ. കുരമ്പാല ഗുരുക്കന്മാരു വിളയിൽ ജി. നന്ദകുമാറിന്റെ വീട്ടിലാണ് കവർച്ച നടന്നത്. 8 പവൻ സ്വർണാഭരണവും പണവും നഷ്ടപ്പെട്ടു. കിടപ്പുമുറിയിലെ അലമാരയിൽ സൂക്ഷിച്ചിരുന്ന സ്വർണവും ബാഗിൽ ഉണ്ടായിരുന്ന പണവുമാണ് നഷ്ടപ്പെട്ടത്. അലമാര പൂട്ടിയതിനു ശേഷംതാക്കോൽ അതിൽത്തന്നെ ഇട്ടിരിക്കുകയായിരുന്നു .അഞ്ചര പവന്റെ മാല, രണ്ടു വള, ഒരു മോതിരം, 2500 രൂപ , ഒരു വരവ് വള എന്നിവയാണ് മോഷ്ടിച്ചത്. മറ്റ് രണ്ട് അലമാരകൾ തുറന്ന് പരിശോധിച്ചങ്കിലും ഒന്നും നഷ്ടപെട്ടില്ല.വ്യാഴാഴ്ച രാതി 12 നും പുലർച്ചെ 3നുമിടയിലാണ് സംഭവം . വീടിന്റ മുൻഭാഗത്തെ ജനാലയുടെ മൂന്ന് അഴികൾ മുറിച്ചുമാറ്റിയാണ് മോഷ്ടാവ് അകത്തുകടന്നത്. 2 മണിയോടെ ശബ്ദം കേട്ട നന്ദകുമാറിന്റെ മാതാവ് ഗോമതി മരുമകൾ മീരയെ വിളിച്ചങ്കിലും അവർ ഉണർന്നില്ല. ലൈറ്റിട്ട് നോക്കിയെങ്കിലും ആരെയും കണ്ടില്ല. രാവിലെ 7 മണിയോടെയാണ് മോഷണം വീട്ടുകാരുടെ ശ്രദ്ധയിൽപ്പെട്ടത് .മുറിയിൽ വച്ചിരുന്ന വാഴക്കുലയിലെ പഴങ്ങൾ എടുത്തുകൊണ്ടുപോയി കഴിച്ചതിന് ശേഷം തൊലി മുറ്റത്ത് ഇട്ടിട്ടുണ്ട് . സംഭവം നടക്കുമ്പോൾ വീട്ടിൽ മക്കളും കൊച്ചുമക്കളും ഉൾപ്പെടെ ഒമ്പതോളം അംഗങ്ങൾ ഉണ്ടായിരുന്നു. പന്തളം പൊലീസ് കേസെടുത്തു വിരലടയാള വിദഗ്ദ്ധർ പരിശോധന നടത്തി.