പരീക്ഷയ്ക്ക് അപേക്ഷിക്കാം
നവംബർ 11 ന് ആരംഭിക്കുന്ന രണ്ടാം സെമസ്റ്റർ എം.എഡ് (2021 അഡ്മിഷൻ റഗുലർ / 2019, 2020 അഡ്മിഷൻ സപ്ലിമെന്ററി) ബിരുദ പരീക്ഷകൾക്ക് പിഴയില്ലാതെ നവംബർ ഒന്ന് വരെയും പിഴയോടു കൂടി നവംബർ രണ്ടിനും സൂപ്പർഫൈനോടു കൂടി നവംബർ മൂന്നിനും അപേക്ഷ നൽകാം. റഗുലർ വിദ്യാർത്ഥികൾ 300 രൂപയും വീണ്ടും എഴുതുന്നവർ പേപ്പറൊന്നിന് 60 രൂപ നിരക്കിലും (പരമാവധി 300 രൂപ) സി.വി ക്യാമ്പ് ഫീസ് പരീക്ഷാഫീസിന് പുറമേ അടയ്ക്കണം.

പരീക്ഷാ ഫലം
എം.എ ഹിസ്റ്ററി ഒന്ന്, രണ്ട് സെമസ്റ്റർ (പ്രൈവറ്റ് സപ്ലിമെന്ററി, മേഴ്‌സി ചാൻസ്, രണ്ടാം സെമസ്റ്റർ റഗുലർ മേഴ്‌സി ചാൻസ്) പരീക്ഷകളുടെ ഫലം പ്രസിദ്ധീകരിച്ചു. 2015 അഡ്മിഷൻ മുതലുള്ളവർ പുനർമൂല്യനിർണയത്തിനും സൂക്ഷ്മപരിശോധനയ്ക്കും ഫീസ് അടച്ച് നവംബർ നാല് വരെ ഓൺലൈനിൽ അപേക്ഷ നൽകാം. 2015 അഡമിഷന് മുൻപുള്ളവർ പുനർമൂല്യനിർണയത്തിനും സൂക്ഷ്മപരിശോധനയ്ക്കും നവംബർ നാലിനകം പരീക്ഷാ കൺട്രോളറുടെ കാര്യാലയത്തിൽ അപേക്ഷ നൽകാം.

തീയതി നീട്ടി
പി.ജി പ്രൈവറ്റ് രജിസ്‌ട്രേഷൻ 2019 അഡ്മിഷൻ ഒന്ന്, രണ്ട് സെമസ്റ്റർ മാർച്ച് (2021) പരീക്ഷകളുടെ പുനർമൂല്യനിർണയത്തിന് നവംബർ മൂന്നു വരെ പരീക്ഷാ കൺട്രോളറുടെ കാര്യാലയത്തിൽ അപേക്ഷ നൽകാം.