തിരുവല്ല: പരുമല മാർ ഗ്രിഗോറിയോസ് തിരുമേനിയുടെ 120ാം ഓർമ്മപ്പെരുന്നാൾ 26ന് കൊടിയേറി നവംബർ 2ന് സമാപിക്കും. 26ന് ഉച്ചയ്ക്ക് 2ന് മാത്യൂസ് തൃതീയൻ കാതോലിക്കാ ബാവാ കൊടിയേറ്റും. 3ന് തീർത്ഥാടനവാരാഘോഷ പൊതുസമ്മേളനം കാതോലിക്കാബാവാ ഉദ്ഘാടനം ചെയ്യും. 5ന് അഖണ്ഡപ്രാർത്ഥന ഡോ.യൂഹാനോൻ മാർ ക്രിസോസ്റ്റമോസ് മെത്രാപ്പോലിത്ത ഉദ്ഘാടനം ചെയ്യും. 27ന് 7.30ന് കുർബാന 10.30ന് വൈദികസമ്മേളനം. 2.30ന് പേട്രൺസ് ഡേ സെലിബ്രേഷൻ. 4ന് ഗ്രിഗോറിയൻ പ്രഭാഷണംഡോ.യാക്കോബ് മാർ ഐറേനിയോസ് നിർവഹിക്കും.. 28ന് രാവിലെ 7.30ന് മൂന്നിന്മേൽ കുർബാനയ്ക്ക് ഡോ.ജോഷ്വാ മാർ നിക്കോദിമോസ് കാർമ്മികനാകും. 10.30ന് പ്രാർത്ഥനായോഗം ധ്യാനം. 4ന് തപസ്യ സംസ്ഥാന ഉപാദ്ധ്യക്ഷൻ ഡോ.അനിൽ വൈദ്യമംഗലം ഗ്രിഗോറിയൻ പ്രഭാഷണം നടത്തും.

29ന് മൂന്നിന്മേൽ കുർബാനയ്ക്ക് ഡോ.ജോസഫ് മാർ ദിവന്നാസിയോസ് മെത്രാപ്പോലീത്താ കാർമ്മികനാകും.10.30ന് അഖിലമലങ്കര മർത്തമറിയം സമാജം സമ്മേളനത്തിൽ പ്രൊഫ.ഡോ.സൂസൻ അലക്സാണ്ടറും 2ന് പരിസ്ഥിതി സെമിനാറിൽ ഡോ.എസ്.അഭിലാഷും ക്ലാസ് നയിക്കും.4ന് ജസ്റ്റിസ് ഷാജി പി.ചാലി ഗ്രിഗോറിയൻ പ്രഭാഷണം നടത്തും.30ന് 11.30ന് ബാലപ്രേഷിതസംഗമം ഉദ്ഘാടനം മജീഷ്യൻ സാമ്രാജ് നിർവഹിക്കും.. 2ന് യുവജനസംഗമം. 4ന് ഗ്രിഗോറിയൻ പ്രഭാഷണം ഡോ.വർഗീസ് പുന്നൂസ് നിർവഹിക്കും.. 31ന് രാവിലെ 7.30ന് മൂന്നിന്മേൽ കുർബാനയ്ക്ക് ഡോ.ഗീവർഗീസ് മാർ യൂലിയോസ് മെത്രാപ്പോലീത്താ കാർമ്മികനാകും.10.30ന് ഗുരുവിൻ സവിധേ പരിപാടി ഡോ.യൂഹാനോൻ മാർ ക്രിസോസ്റ്റമോസ് ഉദ്ഘാടനം ചെയ്യും.2.30ന് വിവാഹ ധനസഹായ വിതരണസമ്മേളനത്തിൽ മുൻമുഖ്യമന്ത്രി ഉമ്മൻചാണ്ടി മുഖ്യപ്രഭാഷണം നടത്തും.

നവംബർ 1ന് രാവിലെ 6ന് കുർബാനയ്ക്ക് ഡോ.തോമസ് മാർ അത്താനാസിയോസ് മെത്രാപ്പോലീത്ത നേതൃത്വം നൽകും.7.30ന് മൂന്നിന്മേൽ കുർബാനയ്ക്ക് ഡോ.സഖറിയാസ് മാർ അപ്രേം മെത്രാപ്പോലീത്താ കാർമ്മികനാകും.10.30ന് സന്യാസ സമ്മേളനം. 3ന് തീർത്ഥാടന വാരാഘോഷ സമാപനസമ്മേളനം.ഉദ്ഘാടനം കാതോലിക്കാ ബാവാ നിർവഹിക്കും. മന്ത്രി വീണാജോർജ്ജ് സന്ദേശം നൽകും, 6ന് സന്ധ്യാനമസ്‌കാരം 7ന് പ്രസംഗം, 8ന് ശ്ലൈഹികവാഴ്വ്, 8.15ന് റാസ. 9.30ന് ഭക്തിഗാനാർച്ചന. 2ന് 3ന് കുർബാനയ്ക്ക് ഗീവറുഗീസ് മാർ പീലക്സിനോസ് മെത്രാപ്പോലീത്താ കാർമ്മികനാകും.8.30ന് കാതോലിക്കാ ബാവായുടെ മുഖ്യകാർമ്മികത്വത്തിൽ മൂന്നിന്മേൽ കുർബാന. 12ന് എം.ജി.ഓ.സി.എസ്.എം.വിദ്യാർത്ഥിസംഗമത്തിൽ ഋഷിരാജ് സിങ് മുഖ്യപ്രഭാഷണം നടത്തും. 2ന് റാസ. 3ന് കൊടിയിറക്ക്.